Tema: Dëmtuesit e ullirit dhe kontrolli i tyre, në kuadrin e menaxhimit të integruar

Data e aktivitetit: 23 gusht

Ora: 10:00

Vendi: Fishtë, Lezhë

Në takimin demonstrues në kulturën e ullirit në Lezhë, do të trajtohen dëmtuesit e ullirit dhe kontrolli i tyre në kuadrin e menaxhimit të integruar, me qëllim për të arritur një shëndetësim të plotë të ullishtes. 

Çështja kryesore që do të trajtohet do të jetë evidentimi i infeksionit latent nga syri i palloit, duke e diagnostikuar atë nëpërmjet metodës diferenciale, duke përdorur hidroksid natriumi 5%. Gjithashtu, do të trajtohet edhe evidentimi i infeksioneve nga miza e ullirit. 

Në këtë demonstrim do të rekomandohen masat e kontrollit në funksion të situatës konkrete në fermë. 

Element tjetër që do të trajtohet do të jetë edhe menaxhimi i tokës, si dhe përdorimi i një skeme plehërimi të balancuar, si hap i rëndësishëm i shëndetësimit.