Bimët dekorative preken nga një sërë sëmundjesh dhe kontrolli i tyre është i një rëndësie të veçante për të garantuar mosprishjen e bukurisë së tyre.

Cilat janë sëmundjet kryesore që prekin bimën e tulipanit?

Kalbëzimi i tulipanit shkaktuar nga Rhizoctonia tuliparum

Simptomat 

• Bulbet e infektuara nuk dalin në sipërfaqe edhe pse rrënjët mund të zhvillohen mirë. 
• Tek bulbet, filizat dhe dheun përrreth janë të pranishme sklerotet e patogjenit, me ngjyrë të errët. 
• Efekt përfundimtar i prekjes nga kjo sëmundje është kalbëzimi total i bulbit. Patogjeni favorizohet nga temperaturat e ulta dhe mund te mbijetojë me sklerote në tokë për 6 vite. 

Menaxhimi

• Shmangia e lagështirës së tepërt, 
• Drenazhimi i tokës, 
• Heqja dhe eleminimi i gjithë pjesëve bimore të infektuara.
• Mbjellja e tuberëve të pastër nga sëmundjet.

Fuzariozat e tulipanit

Simptomat

• Shkakton kalbëzim të bulbit që fillon zakonisht në bazën e bulbit dhe prej këtu prek gjithë bulbin. 
• Bulbet e prekur marrin ngjyrë rozë, ku mund të dallohet edhe prania e micelit dhe konideve të patogjenit. 
• Në prerje gjatësore dallohet nxirja e indeve të infektuara, (indeve përçuese) dhe pason me zverdhjen e gjetheve. 
• Bimët nuk rriten normalisht dhe ngelen të shkurtëra. 
• Në rast kultivimi në serë, simptomat shfaqen duke filluar në pjesët më të ngrohta të saj.

Menaxhimi

• Shmangia e lagështirës së tepërt, 
• Drenazhimi i tokës, 
• Heqja dhe eleminimi i gjithë pjesëve bimore të infektuara.
• Mbjellja e tuberëve të pastër nga sëmundjet.

Kalbëzimi i tulipanit

Shkaktari: Botrytis

Simptomat

• Në bulbe patogjeni deporton nga plagët ose rrënjëzat dhe indi i prekur merr ngjyrë gështenjë dhe në sipërfaqe të bulbit formohen sklerote dhe myku tipik gri i kërpudhës. 
• Bimët që vijnë nga bulbe të prekur kanë gjethe me një shtresë të butë dyllore në pamje, e cila shpejt kthehet në lezione. 
• Gjethet thyhen lehtë. 
• Në lule shfaqen çngjyrime e alternime ngjyrash. 
• Në infeksione të larta bimët kanë rritje të ngadalësuar dhe nuk lulëzojnë.

Menaxhimi

• Shmangia e lagështirës së tepërt, 
• Drenazhimi i tokës, 
• Heqja dhe eleminimi i gjithë pjesëve bimore të infektuara.
• Mbjellja e tuberëve të pastër nga sëmundjet. 
• Plehërime dhe ujitjet të balancuara. 
• Trajtimi me fungicide si Boscalid+ kresoxim- methyl, Boscalid+ pyrclostrobin, captan, etj. 

Kalbëzimet rrënjore të tulipanit

Shkaktari: Pythium

Pythium ultimum është ndër shkaktarët kryesorë ndërmjet specieve të tjera të kësaj gjinie e cila shkakton kalbëzimin rrënjor.

Simptomat 

• Bimët e prekura paraqesin një zhvillim të ngadaltë; 
• Lulet nuk e kanë cilësinë e duhur dhe numri i tyre është i kufizuar.
• Përveç Pythium ultimum kalbëzim rrënjorë shkaktojnë: Phytophthora cryptogea dhe Phytophthora erythroseptica;  të cilat kanë si simptomë zverdhjen e majave të gjetheve. 

Menaxhimi

• Bazohet në dezinfektimin e tokës; 
• Drenimin e mirë të saj për evitimin e lagështisë së tepërt. 
• Trajtimet me fungicide: Metalaxyl+ Folpet, Fosetyl alumini, Metalaxyl, Metlaxyl+ Bakër, Metalaxyl, shoqëruar me produkte plehërues që rrisin rezistencën e bimëve ndaj faktorëve abiotik dhe biotik.

Njollosja nekrotike e tulipanit nga Botrytis

Shkaktari:  Botrytis

Simptomat

• Bulbet e prekura nga ky patogjen mund të thahen shpejt. 
• Në bimët e prekura shihen sporet dhe sklerotet patogjenit. 
• Sporet e patogjeni shpërndahet kollaj nga era dhe prekin gjethet dhe lulet, duke provokuar shfaqjen e njollave nekrotike me ngjyrë të errët-gri. 
• Patogjeni mbijeton në tokë dhe sëmundja favorizohet nga lagështia e lartë. 

Menaxhimi

• Shmangia e lagështirës së tepërt, 
• Drenazhimi i tokës, heqja dhe eleminimi i gjithë pjesëve bimore të infektuara. Mbjellja e tuberëve të pastër nga sëmundjet. 
• Plehërime dhe ujitje të balancuara. 
• Dezinfektimi i tokës. 
• Trajtimi me fungicide si Boscalid+ kresoxim- methyl, 

Klikoni këtu nëse dëshironi të dini më shumë Cilat janë sëmundjet kryesore që prekin bimën e gladiolës?