REGJISTROHUNI KËTU për të shfletuar rubrikat e tjera të platformës.

Kontrolli i syrit të palloit 

• Patogjeni është prezent në të gjitha zonat e kultivimit të ullirit në vendin tonë.
• Në kushtet e një dimri jo të ftohtë, sëmundja zhvillohet që nga vjeshta deri në pranverë.

Syrit i palloit prek:

• gjethen,
• degëzat e reja njëvjeçare,
• bishtat e gjetheve e të frutave,
• frutat.

Përse është i rëndësishëm kontrolli i kësaj sëmundje që shkakton dëme të konsiderueshme?
Patogjeni është prezent pothuajse në të gjitha zonat e kultivimit të ullirit në vendin tonë. Në zonat me verë të lagësht ka një përhapje më të madhe të sëmundjes. Sëmundja është shumë e përhapur në pjesën e poshtme të kurorës në ullishtet e dendura dhe pak të krasitura. 

Cikli biologjik 
*Gjatë vitit ka dy cikle infeksioni në vjeshtë dhe pranverë. 
*Bimët:

• pësojnë rënie të parakohshme të gjetheve,
• reduktojnë formimin e sytheve lulore, duke shkaktuar ulje të prodhimit deri në 20%.

*Në rastet e përsëritura të rënies së gjetheve si rezultat i infeksioneve, çon deri në tharje të degëve të reja. 
*Infeksioni i syrit të palloit prek dhe frutat, bishtat e frutave nga ku provokohet dhe rënia e frutave. 

Shenjat e sëmundjes
Në gjethe 

• Në faqen e sipërme të gjetheve formohen
• njolla të vogla kafe,
• të rrumbullakta,
• të veçuara,
• ndonjëherë edhe të grupuara.

Gjatë muajve të verës, përreth njollave të tilla formohet një unazë e qartë me ngjyrë të kuqërremtë, ose kafe në të gjelbërt, që dallohet mirë në sfondin e gjelbërt të gjethes. Këto njolla të kujtojnë ato të pendëve të bishtit të palloit, nga ku edhe merr emrin sëmundja, syri i palloit. Në pjesën e poshtme të gjethes, rrallëherë simptomat janë të dukshme, përveçse në nervaturën qendrore. Gjethet më të vjetra përpara se të bijnë fillojnë të zverdhen. 

Në degëzat
Në degëzat e reja njëvjeçare, megjithëse rrallë, mund të paraqiten infeksione që shfaqen me njolla kafe, me konture të papërcaktuara mirë, të ngjashme me ato të gjetheve. 

Në fruta 

• Sëmundja është prezente në fruta akoma më rrallë, ku formon njolla të vogla të çrregullta, lehtësisht të futura, të mbuluara nga një efloreshencë gri (të ndritshme).
• Mbi bishtat e frutave infeksioni është më i shpeshtë; paraqitet me njolla kafe të zgjatura që mund të rrethojnë bishtin.

Klikoni këtu nëse dëshironi të dini më shumë cilët janë faktorët natyralë kufizues për sëmundjen e syrit të palloit.