REGJISTROHUNI KËTU për të shfletuar rubrikat e tjera të platformës.

Cilët janë produktet me bazë bakri dhe përdorimi i tyre?

Sulfati i bakrit

Sulfati i bakrit përdoret si fungicid, baktericid, algicid dhe defoliant, si dhe për përgatitjen e lëngut bordolez kundër parazitëve kërpudhorë të bimëve (fungicid).  Lëngu bordolez përdoret në trajtimet dimërore ullinj, agrume, pemë frutore, farore e bërthamore. 

Përdorimi:

Si fungicid dhe baktericid, duke përgatitur lëngun bordolez, përdoret si në vijim:

Në ullinj, agrume, vreshta, pemë frutore për trajtime dimërore në trajtën e lëngut bordolez me përqendrim:

• 3 % gjatë dimrit,
• 1.5 % në kohën e fryrjes së sythave.

Për trajtimin e plagëve përgatitet pastë bordolez me 10% (100 g/lit) duke e aplikuar atë me një furçë ose një thikë palete.

Përzierje bordoleze, pasta bordoleze

Pasta bordoleze ёshtё fungicid-baktericid me veprim parambrojtës-kontakti. Përdoret nё trajtimet dimërore nё ullinj, agrume, pemë frutore, vreshta, si dhe për luftimin e parazitëve kërpudhorë nё kultura tё ndryshme bujqësore gjatё vegjetacionit.

Përdorimi:

• Ullinj, për kontrollin e syrit tё palloit dhe tymthit me 0.5-1%.
• Agrume, për kontrollin e malsekos, tymthit, bakteriozёs, etj. me 0.5-1 %.
• Nё vreshta, për trajtimet preventive dimërore, me 1-1.2 %.
• Nё pemët frutore, për trajtimet dimërore si masë preventive nё kontrollin e sëmundjeve tё ndryshme bakteriale si zjarri bakterial etj. kromave, fletëpërdredhëses, fletëbirueses etj., me 1.5 %.

Hidroksidi i bakrit

Hidroksidi i bakrit ёshtё fungicid parambrojtës me veprim kontakti. 

Përdorimi:

• Nё ullinj, për kontrollin e syrit tё palloit, tymthit, me 200-300 gr/100 litra ujё, duke kryer trajtime preventive, herët nё pranverë.
• Nё agrume, për kontrollin e disa bakteriozave, malsekos, fitoftorës, antraknozёs, me 200-300 gr/100 litra ujё.
• Nё pemë frutore farore dhe bërthamore:

Në trajtimet dimërore:

• Nё farore, për kontrollin fazave dimëruese tё sëmundjeve si: kromës, bakteriozave (Pseudomonas syringae, Erwinia amylovora), kancerit kërpudhor tё degëve (Nectria galligena, Phomopsis mali, Sphaeropsis malorum).
• Nё bërthamore, për kontrollin e fletё përdredhëses dhe fletё birueses si dhe sëmundjeve tё tjera kërpudhore. Realizohen dy trajtime preventive një para rënies sё gjetheve dhe njё tjetër nё fryrjen e sythave. Doza e përdorimit 500-1000 gr/100 litra ujё, nё fryrjen e sythave dhe butonave rozë.

Oksiklorur bakri

Oksikloruri i bakrit ёshtё fungicid/baktericid me veprim kontakti. 

Përdoret nё kontrollin e mjaft sëmundjeve kërpudhore dhe bakteriozave nё: 

• Nё ullinj, për kontrollin e syrit tё palloit, tymthit, me 300 gr preparat /100 litra ujё, duke kryer trajtime preventive.
• Nё agrume, për kontrollin e Pseudomonas syringeae, malsekos, fitoftorës, antraknozёs, me 100-200 gr preparat /100 litra ujё.
• Nё pemët frutore farore dhe bërthamore

 Nё trajtimet dimërore:

• Nё farore, për kontrollin fazave dimëruese tё sëmundjeve si: kromës, bakteriozave (Pseudomonas syringae, Erwinia amylovora), kancerit kërpudhorë tё degëve (Nectria galligene, Phomopsis mali, Sphaeropsis malorum);
• Nё bërthamore, për kontrollin e fletё përdredhëses dhe fletё birueses si dhe sëmundjeve të tjera kërpudhore. Bëhen dy trajtime preventive, një para rënies së gjetheve dhe një tjetër nё fryrjen e sythave.

Doza e përdorimit 500-1000 gr preparat/100 litra ujё nё fryrjen e sythave dhe butonave rozë.