Dhitë janë kafshë që konsumojnë “pa naze”, ato shfrytëzojnë mirë burimet e ushqimeve duke i shndëruar ato në vlera ushqyese përmes qumështit dhe mishit, që vlerësohen për cilësitë e tyre e sidomos “yndyrën e mirë”. Dhitë konsumojnë çdo gjë të ngrënshme që ju ofrohet, por ju duhet të mbani parasysh disa parime lidhur me të ushqyerit e tyre:

• Dhitë përshtaten me lloje të ndryshëm ushqimesh krahasuar me kategori të tjera si gjedhi apo delet;
• Nëse ju ofroni bar të thatë cilësor në racionin ushqimor, atyre do t’ju nevojitet më pak koncentratë;
• Mos i ushqeni dhitë me sasi të mëdha koncentrate, pasi kjo do të sjellë disa probleme me shëndetin e tyre;
• Shfrytëzimi efiçent i barit të thatë bëhet në grazhde të përshtatëshme për dhitë;
• Sasia dhe cilësia e ushqimit gjatë periudhës së tharjes ndikon në ecurinë e dhisë dhe kecave përgjatë vitit në vijim;
• Shmangni dhjamosjen e dhive në fazat e fundit të laktacionit, pasi kjo do të shkaktojë probleme me pjelljen dhe sëmundje metabolike bashkëshoqëruese;
• Kujdes mos i ofroni tufës ushqime të prishura dhe të mykura, pasi ato shkaktojnë dëme me pasoja fizike për kafshën dhe ekonominë e fermës.
• Ndryshimin e racionit ushqimor sipas fazave duhet ta bëni në mënyrë graduale, duke ju dhënë bakterieve në rumenin e tyre kohën e mjaftueshme për adoptim;
• Në dietën e tyre shtoni blloqe minerale e vitaminike;
• Krahas ushqimit sigurojini çdo ditë ujë të bollshëm, të pastër e të freskët.

Klikoni këtu në se dëshironi të dini më shumë për Kërkesat e Dhive për Ushqim.