Kur është shkaktari për Nosema apis? 
Quhet "sëmundja e muajve të ftohtë dhe me shi" dhe shoqërohet me «Diarre ose shpopullim pranveror». Këtu vërehen:

• mungesë e fluturimeve të bletëve për në kullotë;
• shpopullim i familjes megjithë prezencën e një pjelljeje normale;
• pamundësi e një numri të madh bletësh punëtore për të fluturuar;
• prani e bletëve që zvarriten përpara zgjoit,  me shenja të pseudoparalizës;
• prezenca e jashtëqitjeve diarreike me ngjyrë dhe pa erë, që flliqin muret e zgjoit dhe që lëpihen vazhdimishtë nga bletët;
• prezenca në disa raste e konstipacionit, që shprehet me barkun e fryrë dhe me dridhje;
• prania përpara zgjoit dhe nëpër  hoje e bletëve të vdekura;
• kur sëmundja prek mëmën ajo bëhet sterile dhe pjellja ndërpritet, në pranverë mëma e sëmurë dhe sterile vritet nga bletët punëtore;
• humbja e mbretëreshës në dimër është e lidhur shpesh më nozematozën.

Kur është shkaktari ?
Nosema ceranae quhet ndryshe "sëmundja e verës" dhe shoqërohet jo vetëm me «Shpopullim ose kolaps i kolonisë» por dhe:                                                                    

• Karakterizohet nga një periudhë e gjatë e inkubacionit asimptomatik e pasuar nga rënia e papritur e kolonisë;
• Dëmtimi: efekt imunosupresiv, degjenerim i qelizave epiteliale të traktit tretës, jetëgjatësi më e vogël e bletëve, dëmtim i metabolizmit të sheqernave

Diagnoza 

Për të vendosur një diagnozë të saktë për nozematozën është e domosdoshme që të vlerësohen dhe të krahasohen midis tyre të dhënat e situatës epidemiologjike, të dhënat e kontrollit klinik dhe të dhënat e analizave laboratorike. 

Diagnoza klinike
Në format akute të shfaqjes së sëmundjes, veçanërishtë herët në pranverë, vihen re:

• Jashtëqitje me ngjyrë kafe rreth vendqëndrimit të bletëve
• Në brëndësi të zgjoit shihen bletë të sëmura dhe të vdekura.
• Gjatë periudhës së dimërimit mund të kemi një shkallë të lartë mortaliteti në koloni.
• Në infeksionet latente  ( të fshehta) mund të mos kemi shenja klinike të dukshme, por të bie në sy një koloni e dobët, me një numër të madh të gjeneratës së re dhe me numër të pakët bletëve të rritura.
• Të gjitha këto shenja dhe ato që kemi përshkruar më sipër, vetëm mund të hedhin dyshimin për praninë e nozematozës në zgjua ose në park. Ajo që vendos përfundimisht për 
• diagnozën është analiza laboratorike.

DIAGNOZA LABORATORIKE
Në Mikroskop optik: Për të vëzhguar sporet me formë ovale dhe fluoreshente N.ceranae: 4,4 μm x 2,2 μm N.apis : 6 μm x 3 μm
Gjykimi: Prani/Mungesë të Nosema spp.

Disa nga preparatet natyrale që mund të përdoren për kontrollin e nozematosës së bletëve: