Punimi i tokës

• Toka duhet punuar në thellësinë 35-40cm.
• Numri i punimeve dhe i atyre përgatitore duhet të bëjnë që toka para mbjelljes të jetë e shkrifët e me strukturë.Për shkak të vështirësive që ka gjatë procesit të mbirjes, bamja kërkon përgatitje shumë cilësore të shtratit të mbjelles. 
• Punimet duhet të përfundojnë të paktën 2-3 javë para mbjelljes. Frezimet ose diskimet, duhet të bëhennë 4-7 ditë para mbjelljes së farës.

Kanalet kulluese dhe vaditëse
Pas punimit dhe frezimit të sipërfaqes së tokës, është e domosdoshme të përgatitet i gjithë sistemi i kanaleve kulluese dhe vaditëse.

Plehërimi i tokës

• Para punimeve të tokës duhet të shpërndahen të gjithë llojet e plehërave organike 30-40 kv/dy dhe ato kimike kryesisht fosforike, potasike, por mirë është të hidhen para punimeve edhe rreth 2 kv/ha ure.
• Është e domosdoshme që plehërimi të bëhet në bazë të analizave kimike të tokës.
• Vetëm atëhere bimët mund të plehërohen me kujdes pa e tepruar dhe rrjedhimisht bimët do të rriten dhe do të zhvillohen të shëndetshme.

Sasia dhe raporti i plehërimit 

Si përcaktohet sasia e plehërave që duhen përdorur tek bamja ? Për çdo 100 kg prodhim bamje, nga toka bimët e bamjes tërheqin rreth 1,05 kg Azot (N) 0,25 kg Fosfor (P2O5) dhe 0.55 kg Potas (K2O). Për një prodhim prej 12-15 kv/dy bamje, përdoren;

• 20-25 kg/dyn azot(N), prej të cilave 1/3 gjatë përgatitjes së tokës për mbjellje dhe pjesa tjetër në dy duar, gjatë periudhës së vegjetacionit.
• Për fosforin (P2O5), janë të mjaftueshme 7-8 kg/dy P2O5.
• Për potasin janë të mjaftueshme 15-17 kg/dy K2O.
• Plehrat fosforikë dhe potasikë përdoren gjatë përgatitjes së tokës për mbjellje.

KUJDES! Me rëndësi për prodhimin e bamjes është përdorimi i plehut organik të dekompozuar mirë dhe plotësimi i nevojave me mikroelementë.

Klikoni këtu në se dëshironi të dini më shumë për Kultivarët, Mbjelljen Dhe Kultivimin e Bamjes Në Fushë Të Hapur