Vjelja e frutave bëhet në varësi të destinacionit te përdorimit të tyre. 

• Konsum të freskët
• Përpunim industrial

Pjekuria e frutave klasifikohet në dy kategori: 

• pjekja fiziologjike (pjekja për përpunim industrial)
• pjekja tregtare (pjekja për konsum të freskët)

Në pjekjen fiziologjike fruti arrin të gjitha vlerat ushqimore dhe madhësinë fizike. Farat arrijnë fazën e pjekjes së plotë të tyre (marrin ngjyrën kafe të errët). Në këtë periudhë bishti i frutit shkëputet lehtë.
Ne pjekjen tregtare, fryti ka arritur te vlerat më të mira për t'i qëndruar transportit, ambalazhimit dhe manipulimit për treg. 

Vjelja e frutave për konsum të freskët

Frutat duhet të jene në pjekjen për konsum, d.m.th. frutat të kenë marre pjekurinë, ngjyrën dhe shijen e duhur. Vjelja duhet të bëhen vetëm me dorë. Për këtë qëllim është e detyrueshme të përdoren kosha, shporta dhe lloje të tjera ambalazhi me qëllim që frutat e vjela të mos dëmtohen gjatë procesit te marketimit. Pas mbledhjes së frutave bëhet pastrimi dhe seleksionimi i tyre duke eliminuar frutat e shtypura, të tejpjekura dhe ato të pa pjekurat mirë dhe i vendosen nëpër ambalazhe kartoni apo plastike të posaçme  me kapacitete të ndryshme sipas standardeve përkatëse. Përqindja e sheqerit përcaktohet me refraktometër dhe duhet të jetë 11 -12%.