REGJISTROHUNI KËTU për të shfletuar rubrikat e tjera të platformës.

Biologjia e dëmtuesit:

• Dëmtuesi ka një gjeneratë në vit.
• Dimëron në fazën e vezës.
• Dëmtuesi para lulëzimit, gjendet në gjethet e misrit.
• Në periudhën e lulëzimit gjendet në thekët e misrit dhe në qimet e kallirit të misrit.
• Pas lulëzimit, insektet e rrituria gjenden të fshehura në sqetullat e gjetheve, sepse poleni depozitohet atje, ose në majë të kallirit të misrit ku ushqehen me qimet e misrit të cilat kanë mbetur të freskëta.

Cikli i jetës së krimbit të rrënjës së misrit Diabrotica virgifera virgifera

Kontrolli i dëmtuesit:

• Qarkullim bujqësor.
• Trajtim nga toka me insekticide granulare TEKTON (l.a. Tefluthrin)
• Trajtimi i adulteve me insecticide me spërkatje. (Bacillus thurigensis, Azadirachtin, lambda-cyhalothrin.)
• Eleminimi i mbeturinave bimore dhe i bimëve strehuese.
• Armiqtë natyrorë: Argiope bruennichi, Theridion impressum, Coccinella sp, etj.

Programet e trajtimit dhe kontrollit për Diabrotica virgifera virgifera

• Programet e trajtimit dhe kontrollit për Diabrotica  virgifera virgifera bazohen kryesisht në veprimet e ndërmarra që kanë për objektiv larvat e këtij dëmtuesi, të cilat kanë si ushqim preferencial rrënjët e misrit dhe kështu disponueshmëria e bujtësit është kritike për mbijetesën e tij.
• Qarkullimi bujqësor është masa e parë dhe kryesore e kontrollit për këtë dëmtues.
• Trajtimet në rresht dhe trajtimi i farave është gjithashtu efektiv.
• Trajtimet me insekticide kundër adulteve, veçanërisht gjatë periudhës së para vendosjes së vezëve mund të jenë shumë efektive në kontrollin e popullatave duke reduktuar potencialin e vezëve dhe duke minimizuar përhapjen e mëtejshme.

Trajtim nga toka me insekticide granulare

Trajtimi nga toka realizohet në periudhën e mbjelljes së misrit TEKTON (Tefluthrin 15g/Kg) me dozë 12-15 kg/Ha, ku krahas larvës së diabrotikës kontrollohen edhe krimbat tel. Ky produkt e ruan aftësine e kontrollit të dëmtuesit në masën mbi 95% për më shumë se 10 javë.