REGJISTROHUNI KËTU për të shfletuar rubrikat e tjera të platformës.

Kositja dhe manipulimi i jonxhës, janë momente shumë të rëndësishme për të siguruar cilësinë e saj. Duke qënëse vlerat ushqyese proteinike ndodhen në gjethen e jonxhës, bëni kujdes ta ruani atë gjatë kositjes, tharjes dhe transportit. 

Çfarë duhet të mbani parasysh gjatë kositjes?

• Kosisni në një lartësi prej rreth 5 cm mbi sipërfaqen e tokës me qëllim që të lejohet degëzimi i bimës.
• Kosisni në fillim të peiudhës së lulëzimit kur rreth 25% e parcelës është në lulëzim, pasi ky është momenti kur bima ka nivelin e duhur të lëndëve ushqyese në gjethe. Kalimi i kësaj faze e vështirëson tretjen e bimës nga kafshët.
• Mos e kosisni jonxhën në ditë me reshje, pasi kjo ju dëmton bimësinë, si dhe sjell probleme me mykjen e jonxhës.
• Makinat kositëse duhet të jenë me thika të mprehta për të mundësuar prerje të pastra në parcel.
• Bari i kositur krijon rripa në parcelë  të cilët duhen tharë me kujdes me sa më pak lëvizje me qëllim që të mos shkunden gjethet.  Tregues që ju keni realizuar një tharje të kujdesshme është prania e gjetheve dhe ruajtja e ngjyrës së tyre të gjelbërt.
• Mbledhjen e barit të thatë (në varësi nga kushtet e fermës suaj) mund ta realizoni me krëhër druri ose me makineri të posatçme që shërbejnë për mbledhjen e barit.
• Vendoseni barin e jonxhës në hangarë të sigurtë ku nuk depërton uji (shiu). Kontrolloni herë pas here cilësinë e tij duke i kushtuar vëmendje mykjes së barit apo kalbjes së tij. Treguesi kryesor i prishjes së barit (kalbëzim apo mykje) është rritja e temperaturës.

Nëse do të prodhoni vetë fare jonxhe në fermë, ju këshillojmë:

• Të mbani parasysh të gjithë elementët agroteknikë të rekomanduar më lart;
• Farën e mirë mund ta siguroni nga jonxhishtet 2 ose 3 vjeçare;
• Zakonisht kosa e dytë e jonxhishteve 2 vjeçare është më e mira për prodhimin e farës.
• Në varësi nga parcelat, zhvillimi, periudha, teknika e kositjes, etj., ju mund të merrni farë jonxhe nga 2 deri në 4 kv për hektarë.
• Kujdes, fara duhet të kalojë në dekuskutator për pastrimin e saj nga kuskuta.