Në faza të ndyshme të aktivitetit të tyre përgjatë vitit lopët përballen me mungesa ushqimore të cilat duhet të plotësohen për të siguruar një balancë më efiçente të ushqimeve. Ofrimi i melasës shërben shërben si një prej mundësive për plotësimin e këtyre mungesave duke mundësuar përmirësime në drejtime të ndryshme të aktivitetit të lopëve, të cilat sjellin si rezultat shtimin e sasisë së qumështit të prodhuar. 

Por, cilat janë disa nga përfitimet e përdorimit të melasës? 

Melasa është një suplement i vlefshëm në dietën e lopëve të qumështit duke sjellë përfitime si në shëndetin e tyre, prodhimtarinë, riprodhimin dhe performancën e përgjithshme, pasi është një burim i mirë i proteinave, mineraleve dhe vitaminave. 

Përfitimet lidhen së pari me energjinë. Melasa siguron shtim të energjisë që shërben për mirëmbajtje të kondicionit trupor dhe rritje të prodhimit. Melasa si një burim i mirë i energjisë ofron mundësi për rritjen e tretshmërisë dhe merr vlera veçanërisht kur në dispozicion për ushqimin e lopëve të qumështit keni foragjere të cilësisë së dobët. 

Ajo shërben për të përmirësuar shëndetin e rumenit pasi ndihmon në tretjen e fibrave dhe ruajtjen e një mjedisi të shëndetshëm të rumenit duke nxitur rritjen e nivelit të pH dhe duke ulur kështu rreziqet e acidozave të fshehta. Melasa ndikon në ushqimin e mikrobeve të domosdoshme të rumenit, duke sjellë përmirësimin e përdorimit të ushqimeve të tjera pjesë e  racionit ushqimor.  

Gjithashtu, melasa ndikon në balancimin e racionit ushqimor. Ajo ka përparësi të cilat lidhen me oreksin e lopëve, pasi ndikon në rritjen e shijimit të shtesave ushqimore. Duke qenë shumë e shijshme i nxit lopët të hajnë kur ato shfaqin mungesë oreksi. Kjo ndikon në rritjen e përthithjes së lëndës së thatë veçanërisht kur përdoren në racionin ushqimor ushqime të cilat janë më pak të shijshme sikurse është kashta. Ritheksojmë përsëri se shtesat e melasës janë veçanërisht të nevojshme gjatë periudhës kur nuk keni në dispozicion foragjere ciësore.

Eshtë një produkt i rëndësishëm që ndikon në tretshmëri, duke tretur shtesat proteinike dhe ato të fibrës, si dhe duke rritur aftësinë përthithëse të karbohidrateve dhe energjisë. Sheqerërat e pranishëm në melasë rrisin aktivitetin fermentues të rumenit, për pasojë sjellin zbërthimin e celulozës dhe linjiteve (masës së drunjtë) në foragjere, gjë e cila shoqërohet me rritje të kalorive të përftuara nga këto ushqime.

Melasa ndikon në proceset e riprodhimit, pasi një dietë e pasur me energji para pjelljes ndihmon në ruajtjen e një kondicioni të mirë ushqimor gjatë periudhës pas pjelljes. Ajo siguron nivelin e duhur të energjisë përpara, gjatë dhe pas ndërzimit duke ndihmuar në ruajtjen e shkallës së barrsmërisë. Ndikimi në rritjen e nivelit të glukozës në gjak bën të mundur përmirësimin e shkallës së fekonditetit. 

Melasa kufizon sjelljen e lopëve në përzgjedhjen e ushqimit, duke bërë të mundur që lopët të konsumojnë një dietë të balancuar dhe të qëndrueshme. 

Veçanërisht gjatë periudhës së tharjes ofrimi i suplementeve të melasës ndihmon në uljen e rasteve të ketozës pas pjelljes, pasi ndihmon në marrjen e qëndrueshme të ushqimeve si dhe në përmirësimin e balancës energjitike. 

Gjithashtu melasa konsiderohet si një mënyrë e të ushqyerit me kosto efiçente.

Klikoni këtu nëse dëshironi të dini më shumë lidhur me Përdorimin e Melasës.