Bima e arrës preket nga një sërë sëmundjesh, por më të rëndësishmet janë si mëposhtë:

• Antraknoza Gnomonia leptostyla - Simptomat 

• Lezionet kafe në të zeza në gjethe, bishtat e gjetheve, lastarë dhe/ose lëvozhgë, të cilat zbehen drejt qendrës dhe mund të rrethohen nga një aureolë klorotike; 
• Njollat bashkohen dhe formojnë njolla të mëdha nekrotike, të vendosura zakonisht afër skajeve të gjetheve; 

Menaxhimi i sëmundjes

• Kontrolli i antraknozës, mbështetet në aplikimin e spërkatjeve të përshtatshme me fungicide; 
• Praktikat kulturale ndihmojnë në uljen e ashpërsisë së sëmundjes dhe përfshijnë: 

1. heqjen e mbeturinave të gjetheve nga bimët përreth, 
2. shmangien e lagies së gjetheve gjatë ujitjes, 
3. krijimin e hapësirave adekuate midis pemëve, për të rritur qarkullimin e ajrit dhe aplikimin e plehrave azotike në pranverë, për të vonuar pjekurinë e gjetheve, për të reduktuar zhvillimin e lezioneve. 

• Kalbëzimi i rrënjës nga Armillaria mellea - Simptomat
• Gjethe të vogla, të zbardhura, të cilat bien herët; 
• Tharje e degëve; 
• Tharje e gjithë bimës; 
• Në bazën e trungut shfaqen kërpudha me kapele me ngjyrë mjalti 

•   Menaxhimi
• Armillaria mellea nuk mund të kontrollohet në mënyrë efektive, 
• Bimët e sëmura ose të thara, duhet të shkulen dhe hiqen; 
• Mbjellja e nënsharteve rezistente është metoda më efektive për parandalimin e sëmundjes 

Hiri Phyllactinia guttata - Simptomat 

• Njolla të vogla të bardha si pluhur në gjethe dhe fruta; 
• Njolla të përhapura që mbulojnë të gjithë gjethen; 
• Gjethet e reja mund të rrudhen ndërsa maturohen.

• Menaxhimi
• Sëmundja nuk është shumë e rrezikshme.

Kanceri bakterial Agrobacterium tumefaciens - Simptomat

• Gungat e madhësive të ndryshme në rrënjë dhe kurorën e rrënjës poshtë vijës së tokës; 
• Gungat rriten herë pas here në trung; ato janë fillimisht fryrje me ngjyrë të hapur të cilat rriten dhe errësohen; ato mund të jenë të buta dhe sfungjerore ose të forta; nëse fryrja është e rëndë dhe rrethon trungun, atëherë pemët e reja dobësohen për shkak të ngushtimit të indit vaskular; pemët mund të ndërpresin rritjen dhe rrallë herë thahen. 
• Bakteri hyn në bimët pritëse përmes plagëve dhe bën që qelizat bimore të shumohen dhe qelizat të jenë të padiferencuara, duke çuar në formimin e fryrjes (gungës).

        Menaxhimi 

• Mbillni pemë në toka të kulluara mirë; 
• Shmangni plagosjen e bimëve sa më shumë që të jetë e mundur; 
• Plagët e freskëta trajtohen me një agjent biokontrolli (Agrobacterium radiobacter K84), nëse është i disponueshëm, për të parandaluar kolonizimin e bakterit. 

• Njollosja bakteriale e arrës, Xanthomonas arboricola pv. juglandis - Simptomat 

• Njolla të vogla, si të njomura me ujë në frutat e papjekur, të cilat errësohen dhe zmadhohen me shpejtësi; 
• Gjatë motit të lagësht shfaqet eksudati bakterial;
• Nëse infeksioni ndodh para ngurtësimit të guaskës, atëherë bërthamat tkurren;
• Infeksionet që ndodhin më vonë mund të shkaktojnë njollosje dhe në bërthamë, por ato zakonisht nuk e prekin bërthamën. 
• Lastarët e rinj preken dhe në to formohen lezionet që rrethojnë lastarin; 
• Në lëvoren e pemës formohen lezione; 
• Lezionet në gjethe janë me ngjyrë kafe me një perimetër jeshil-verdhë; 
• Lezionet e gjetheve bashkohen për të formuar zona të mëdha nekrotike.
• Bakteret dimërojnë në sythat e fjetur; 
• Pas çeljes së sythave vitin e ardhshëm, bakteret infektojnë gjethet dhe frutat e reja përreth; 
• Shfaqja e sëmundjes favorizohet nga periudha me mot të lagësht.

Menaxhimi 

• Metoda kryesore e kontrollit të Njollosjes bakteriale, është aplikimi i baktericideve që përmbajnë bakër si përzierja Bordeleze; 
• Baktericidet duhet të aplikohen çdo 7-10 dite për të mbrojtur rritjet e reja gjatë periudhave me mot të lagësht.