REGJISTROHUNI KËTU për të shfletuar rubrikat e tjera të platformës.

Cilët elementë të menaxhimit duhet të mbani parasysh për një mëshqerrë që plotëson synimet tuaja?
Disa aspekte të tjera të menaxhimit të mëshqerrave lidhen me procesin e përzgjedhjes së tyre, ndërzimin, kujdesin pas pjelljes si dhe strehimin e përshtatshëm. Vlerësoni siç duhet sejcilin prej këtyre elementëve për të siguruar një mëshqerrë të shëndetëshme dhe productive. 

Si të përzgjidhni mëshqerrën më të mirë?

Çfarë duhet të konsideroni për ndërzimin e mëshqerrave?
Përzgjidhni për ndërzimin artificial dema që sigurojnë jo vetëm progres gjenetik, por edhe lehtësi në pjellje

• Siguroni që mosha e ndërzimit të jetë 13-15 muajshe e kombinuar me peshën rreth 350 kg në varësi kjo edhe nga rraca.
• Tregoni kujdes të veçantë në përzgjedhjen e demave për ndërzim artificail të mëshqerrave – zgjidhni dema me histori të provuar për lehtësinë në pjellje, si dhe sigurojnë dinamikë të mirë rritje.
• Kërkoni nga tekniku i inseminimit ose veterineri diagnostikimin e barrsmërisë;
• Bëni vlerësimin e kondicionit trupor me afrimin e periudhës së pjelljes;
• Mbani parasysh se rritja më e madhe e fetusit ndodh në dy muajt e fundit të barrsmërisë, ndaj kujdes mos i dhjamosni mëshqerrat në periudhën para pjelljes.

Kujdesi ndaj Pjelljes
Pjellja e parë e një mëshqerre duhet të ndodhë në moshën 22-24 muajshe. 

• Siguroni një martenitet të thatë, të pastër, me hapsirën dhe ventilimin e duhur, dhe të mbrojtur nga korrentet e forta ajrore.
• Pastroni dhe dizinfektoni martenitetin pas çdo përdorimi.
• Eliminoni stresin gjatë pjelljes, duke zhvendosur mëshqerrat në afërsi të martenitetit rreth 7-10 ditë para pjelljes.
• Kontrolloni mëshqerrat çdo dy orë në zonën e pjelljes.
• Kushtojini vëmendje ndriçimit të stallës; duke krijuar kushte të sigurta për shërbim ndaj kafshëve.
• Pas pjelljes mëshqerra duhet të jetë aktive, të ngrihet dhe ndihmojë të voglin brenda 30 minutave, të realizojë jashtëqitjen si dhe pirjen e ujit, në të kundërt ju rekomandojmë të kërkoni ndihmë nga veterineri.

Çfarë duhet të konsideroni për strehimin e mëshqerrave?

• Hapësira e nevojshme për strehim ju siguron mëshqerrave lehtësi për ushqim, ujë, ajër, e rehati.
• Hapësira në grazhd, forma dhe shtresa e tij janë të rëndësishme për mire ushqyerjen e mëshqerrave.
• Siguroni që dyshemeja të ketë një nivel të caktuar ashpërsie të betonit për të parandaluar rrëshqitjen.
• Siguroni që grazhdi të ketë një sipërfaqe të lëmuar me qëllim që ju ta shtyni ushqimin drejt mëshqerrave sa më lehtësisht.