REGJISTROHUNI KËTU për të shfletuar rubrikat e tjera të platformës.

ÇFARË ËSHTË DYLLI I BLETËS?

Dylli i bletës është një produkt natyral që prodhohet nga bletët për të ndërtuar strukturat e brendshme të zgjoit të tyre. Përdoret gjerësisht për vetitë e tij kundër ujit dhe mbrojtëse, si në ushqim ashtu edhe në kozmetikë. Dylli i bletës është një produkt natyral që prodhohet nga bletët. Dylli prodhohet në formën e luspave nga tetë gjendrat që ndodhen në segmentet e barkut të bletëve punëtore. Kimikisht përbëhet kryesisht nga estere të acideve yndyrore me zinxhir të gjatë dhe alkoole të ndryshme. 

ÇFARË VLERASH KA DYLLI I BLETËVE?

Dylli i bletës, ndonëse më pak i njohur se mjalti, propolisi, poleni dhe qumështi i bletës, është një nga produktet më të pasura të zgjoit me vlera të shumta: vetitë e dyllit të bletës janë aq të shumta sa kjo lëndë e çmuar përdoret sot në sektorë të ndryshëm.

Ky produkt, sekretohet nga gjendrat e dyllit që gjenden në zonën e barkut të bletëve, të cilat pasi e shkëputin me pincat e këmbëve të pasme, e punojnë me nofullat e tyre për ta bashkuar dhe për ta bërë të gatshëm për përdorim.

Vetitë e dyllit të bletës

Dylli i bletës është shumë i dobishëm jo vetëm brenda zgjoit të saj, por ofron edhe shumë vlera për ne njerëzit në:

• Farmaceutikë
• Kozmetikë
• Industrinë ushqimore dhe atë kimike
• Në prodhimin e qirinjve, etj.

Cila është përbërja e dyllit të bletës?

Duke qenë një produkt 100% natyral, përbërja e tij mund të ndryshojë sipas faktorëve të ndryshëm.

Ai përbëhet nga (përafërsisht):

70% estere të acidit të dyllit.

12-16% hidrokarbure.

14% acide yndyrore të lira dhe derivate.

1-5% propolis, pigmente dhe substanca të tjera. 

1-2% alkoole të lira.

Dylli është një produkt që i përket kategorisë së lipideve, nuk tretet në ujë por, është pjesërisht i tretshëm në alkool.

Klikoni këtu nëse dëshironi të dini më shumë për Pastrimin dhe dezinfektimin e dyllit të bletës.