REGJISTROHUNI KËTU për të shfletuar rubrikat e tjera të platformës.

Helmi i bletës është një lëng acidik, pa ngjyrë, i sekretuar nga bletët kur ato ndihen të kërcënuara, i cili në apiterapi vlerësohet për përdorimet e tij në shëndetin dhe kurimet e bukurisë së organizmit të njeriut.

ÇFARË ËSHTË THUMBI I BLETËS?

Thumbi është arma me të cilën pajisen bletët. Instrumenti i mbrojtjes ose sulmit, i cili është i ndërtuar nga: gjendra e helmit, qeska e helmit, disa muskuj bashkëlidhur, bulbi e helmit, dy pompa brenda bulbit të helmit dhe tre pika të mprehta, një për çdo teh rrëshqitës dhe e treta për udhëzuesin mbi të cilin rrëshqasin dy tehet (shufra stabilizuese).

Kombinimi i teheve dhe udhëzuesit të tyre formon një gjilpërë të vërtetë me të cilën bleta injekton helmin në objektivin e saj.

Në momentin e rrezikut, del thumbi i bletës që është i përbërë nga një gypth mikroskopik i mprehtë i përforcuar me një sërë gremçash, i lidhur me qeskën e helmit. 

Çfarë është Helmi i bletës ose apitoksina dhe si injektohet natyralisht nga bletët?

Helmi i bletës ose apitoksina, është sekretim i dy gjendrave, një acide e një bazike me veti acaruese dhe helmuese. Kur familja e bletës “sulmohet” nga dëmtuesit e saj, ku hyjnë para së gjithash grerëzat dhe insektet por, edhe kafshët dhe ndonjëherë dhe njeriu, bleta “mbrohet duke sulmuar“.

Por, duke thumbuar kafshët ose njeriun, aparati i thumbimit që është i përbërë nga gemça të holla të drejtuara nga poshtë, mbeten në lëkurën e tyre, sepse këto gemça, në orvajtjet e bletës për të hequr thumbin, marrin një drejtim horizontal dhe indet e lëkurës nuk lejojnë të dalë jashtë thumbi, ai këputet dhe meqenëse është i lidhur me zorrët humbasin dhe një pjesë e tyre, megjithatë ajo lëshon pikën e helmit në hipodermë dhe pas disa kohësh bleta vdes. 

Kjo nuk ngjet në insektet (pikërisht ky është qëllimi i krijimit natyror të thumbit të bletës), ku thumbi del me lehtësi duke shqyer kutikulën e insekteve. 

Klikoni këtu nëse dëshironi të dini më shumë për Vlerat e helmit të bletëve.