REGJISTROHUNI KËTU për të shfletuar rubrikat e tjera të platformës.

Patatja, dëmtohet nga një sërë sëmundjesh e dëmtuesish, mbrojtja e të cilave kërkon mendimin e kualifikuar të specialistit të fushës.

Pse përbëjnë problem sëmundjet?

• Shkaktojnë ulje të ndjeshme të prodhimit
• Ulet vlera tregtare
• Ulen të ardhurat për njësi prodhimi

Alternaria

• Prek të gjithë organet e bimës sidomos në temperatura të larta.
• Sëmundja ruhet në mbeturinat bimore. Mbledhja e mbeturinave bimore pas vjeljes së prodhimit të patates, ul rezervën biologjike të infeksionit.
• Efekt të mirë në kontrollin e sëmundjes, jep qarkullimi bujqësor shumëvjeçar, mbjellja e kultivarëve të qëndrueshëm si edhe trajtimi me solucion me bazë bakri.

Kroma e patates

Është një sëmundje që prek kryesisht zhardhokët, duke kompromentuar pamjen e tyre dhe është e lidhur me tokën dhe përhapet përmes farës së patates së infektuar dhe megjithëse shkakton më shumë probleme në zonat e ftohta, mund të gjendet në të gjitha kushtet ku rriten patatet, sidomos në toka me lagështi. Në zhardhokë shenjat paraqiten në fillim në formën e disa pikëzave të rrethuara me unazë të shëndritshme. Efekt të mirë në kontrollin e kromës jep qarkullimi bujqësor shumëvjeçar, mbjellja e kultivarëve të qëndrueshëm.

Luftohet mirë me fungicid me bazë sulfat bakri cuproxat

Vrugu i zakonshëm

• Dëmton pasi prek të gjitha organet e bimës.
• Kontrolli sëmundjes. Efekt të mirë jep qarkullimi bujqësor shumëvjeçar, mbjellja e kultivarëve të qëndrueshëm, por pa neglizhuar përdorimin e preparatit me bazë bakri, pasi ka dhe efekt parandalues.

Buburreci i patates

• Është një dëmtues i madh i patates. Insekti dëmtues ka gjatësi prej 10 mm, me një trup të ndritshëm të verdhë portokalli dhe pesë vija të theksuara kafe përgjatë gjatësisë së secilës prej flatrave të tij.
• Ka prejardhje nga Kolorado e Amerikës.
• Larvat dëmtojnë gjethet e patates dhe shkaktojnë tharjen e plotë të bimëve.
• Trajtimet kimike kundër buburrecit të patates kryhet në fazën e daljes së larvave në masë dhe përsëritet 2-3 herë me karate, deçis me përqëndrim 0.05-0.08%.

Klikoni këtu  nëse dëshironi të dini më shumë për Vjelja dhe Ruajtja e prodhimit të patates.