Kungulli i gjellës është një kulturë e cila krahas fushës së hapur, sa vjen e po kultivohet gjithnjë e më shumë në serra. Kryesisht, kungulli i gjellës është orientuar për konsum nga tregu vendas, por kohët ë fundit, me futjen e varieteteve të reja, ai ka filluar të eksportohet në vendet e rajonit dhe të Europës. Mbjellja e tij bëhet në dy sezone në varësi të zonave klimaterike. Mbjellja e sezonit të parë fillon kryesisht nga fundi i dhjetorit deri në fillim të janarit me vjelje 60 ditë nga koha e mbjelljes. Ndërsa sezoni i dytë kryesisht fillon në fillim të shtatorit me periudhë vjelje 30 deri mbas mbjelljes. 

Sipas formës, kungullin e gjellës ndahet në: 

Sipas ngjyrës ai ndahet në: Jeshile e hapur Jeshile e errët I verdhë

Çfarë duhet të bëni përpara se të mbillni fidanin?
Pasi kemi dezinfektuar dhe pajisur serrën me masa mbrojtëse kundrejt agjentëve dëmtues, fillojmë me përgatitjen e tokës duke filluar me punimin, për të krijuar një regjim të mirë ujor-ajror, që është një kusht i rëndëssishëm për rritjen dhe zhvillimin e kungullit. Përgatitija e tokës duhet filluar menjëherë mbas largimit të kulturës para-ardhëse. 

REKOMANDIM! PËRARA SE FERMERI TË VENDOSË SE CILIN VARIETET DO TË MBJELLË, DUHET T’A EKSPERIMENTOJË ATË NË SASI TË VOGLA, QË TË SHIKOJË NË QOFTËSE ËSHTË I PËRSHTATSHËM NË KUSHTET E TIJ KLIMATERIKE. 

Distanca e rekomanduar është:

• 60 cm bima nga bima
• 100 cm rreshti nga rreshti

Në total sygjerohet rreth 1500-1700 bimë për 1000 m².
Mbjellja bëhet me gropa. Kubiku vendoset rrafsh me nivelin tokës për të mënjanuar dëmtimin e qafës së bimës. Fill pas mbjelljes, bima ujitet për të lidhur kubikun me tokën. 

Temperatura dhe lagështia ajrore e rekomanduar:
Temperatutat optimale që bima të funksionojë janë: 20°C - 30°C gjatë ditës dhe rreth 15°C-18°C gjatë natës, me lagështi ajërore 60-70%, si ditën dhe natën. Temperaturat nën 100C dhe mbi 300C duhen mënjanuar sepse ç’rregullojnë bimën dhe në veçanti dëmtojnë lidhjen e frutave.

Si duhet t’i ushqeni në mënyrën e duhur fidanët e kungullit?
Përpara mbjelljes, çdo fermer duhet të ketë parasysh këto këshilla: 

Faza e parë

• Në 2 m³ ujë përziejmë 0.5 kg NPK 16-8-25 me 1 kg NPK 10-52-10
• Pas vaditjes së parë, spërkatni me 300 ml Previcur Energy dhe 50 ml Folicur, me vaditje me pika.
• 3 vaditje në total (çdo ditë)

Faza e dytë

• Fillon prej fuqizimit të rrënjëve dhe vazhdon deri në lulëzim
• Në 2 m³ ujë përzjejmë 1 kg NPK 20-20-20 me 0.5 kg NPK 16-8-25
• 3 vaditje në total (çdo ditë)
• Kini kujdes lagështinë, ndriçimin dhe pH brenda në serrë

Faza e tretë

• Përzierja konsiston në 1.1 kg NPK 16-8-25 me 1 kg NPK 20-20-20 në 1 m³ ujë.
• Në një ene tjetër përziejmë 0.5 kg nitrat kalciumi të bashkuar me bor (15.5-0-0-26-0 + Bor) dhe 20 gram hekur për 1000 m³

Faza e katërt

• Sugjerohet të përdoret 2 kg NPK 16-8-25 me 0.3 kg NPK 13-0-46 në 2 m³ ujë.
• Në një enë tjetër përziejmë 0.5 kg nitrat kalciumi të bashkuar me bor (15.5-0-0-26-0 + Bor) dhe 20 gram hekur për 1000 m².

Faza e pestë

• Në këtë fazë përdoret formula e mëposhtme: 2.5 kg NPK 13-0-46, 0.2 kg NPK 5-45-10
• Në një enë tjetër përziejmë 0.5 kg nitrat kalciumi të bashkuar me bor (15.5-0-0-26-0 + Bor) për 1000 m². Mund të shtojmë dhe magnez në dozën 100 gram për 1000 m².

KUJDES! Në qoftë se bima shfaq mungesë mikro-elementësh, atëherë mund të përdorim kalcium, magnez, dhe hekur shtesë si mikro-elementësh në dozat: 100 gr Ca, 100 gr Mg dhe 50 gr Fe për 1000 m². Kjo duhet përdorur vetëm kur shfaqen mungesa e mikro-elementëve dhe duhet të ndërpritet kur bima e merr veten, nuk duhet që bima të marrë me tepricë mikro-elementësh sepse dëmtohet.             

Klikoni këtu nëse dëshironi të dini më shumë mbi parandalimin e sëmundjeve të kungullit në serra.