Nëse duam të punojmë me koloninë e bletëve, duhet të njohim fazat për secilin nga pjesëtarët e familjes. 

Bletërritësit i nevojiten kryesisht këto elemente të fazave të zhvillimit të pjellës:

• Për prodhimin e shtesave artificial të bletëve
• Për prodhimin e qumështit të mbretëreshave
• Për trajtimin korrekt të sëmundjeve të bletëve, etj.

NDËRTIMI I TRUPIT TË BLETËS
Ndërtimi trupit të bletëve (eksteriori) i mëmave, bletëve punëtore dhe i meshkujve kanë mjaft karakteristika të përbashkëta dhe dallohen vetëm në disa detaje. Njohja e ndërtimit të trupit të bletëve si edhe disa karakteristika të brendëshme (interieri) si pesha, madhësia e mëmës, madhësia e numri i tubave të vezoreve, gjatësia e trombës, volumi i qeskës së mjaltit, madhësia e gjendrave të dyllit etj.,si edhe fiziologjia e tyre, janë të lidhura me prodhimtarinë e familjeve bletë. Prandaj njohja e tyre paraqet interes për vendosjen drejtë të mjaft problemeve praktike në bletari.