REGJISTROHUNI KËTU për të shfletuar rubrikat e tjera të platformës.

Si ndryshon afati i vjeljes së qepës në varësi të mbjelljes me fidan apo me qepujkë? Vjelja e qepës së thatë bëhet:

• në muajin korrik-gusht për qepën e mbjellë me qepujkë.
• shtator-tetor për qepën e mbjellë me fidanë. 

Shenjat për vjelje janë zverdhja e gjetheve dhe fillimi i tharjes, ndërsa cipa e jashtme e qepës ka marrë ngjyrën karakteristike të kultivarit.

Qepa e vjelur lihet të thahet mirë dhe pastaj ambalazhohet e futet në ruajtje. Qepa mund të ruhet dhe të tregëtohet;

• Në mënyrën tradicionale duke e thurur kurorë me bishtat e saj.
• Futet në qeska standarte në formë rrjete dhe të tilla ruhen në magazinë me temperaturë të kontrolluar dhe po kështu tregëtohen.

Vjelja e qepës së njomë dhe gjysëm të thatë bëhet pothuajse gjithëvjetore duke bërë pastrimin dhe ambalazhimin e saj, para se të dalë në treg.