ABA Online

Metodat e kontrollit të Tuta absoluta

Këshilla_për_rritjen_e_cilësisë Këshilla_për_rritjen_e_efikasitetit Këshilla_për_rritjen_e_sasisë Perimet_e_fushës Perimet_e_serrës

Integrimi i metodave të kontrollit është mënyra më efektive për të parandaluar dëmet e konsiderueshme nga ky dëmtues.
Si duhet vepruar për vrojtimin e dëmtuesit? Monitorimi ka për qëllim që:

Të diktojë prezencën e insektit në kulturën e domates.
Të vlerësojë rrezikun potencial për kulturën që duam të mbrojmë.

Sasia e kurtheve me feromone që duhen përdorur

Për sipërfaqe më të vogla se 3500 m² rekomandohet të vendoset vetëm 1 kurth.
Për sipërfaqe më të mëdha se 3500 m² vendosen 2-4 kurthe/ha.

Indikacionet dhe vleresimet e rrezikut në bazë të kapjeve të insekteve të rritura në kurthe
Asnjë rrezik për prekje	0 kapje javore
Rrezik i prekjes shumë i ulët ose i ulët	Me kapjet e para të insektit të rritur të instalohen kurthet për kapjen masive (20-25/ha)
Rreziku i prekjes mesatar ose i lartë	Nga 3 deri në 30 insekte të rritura/kurth në javë. Instalimi i kurtheve për kapjet masive (20-25/ha) Trajtime periodike me produktet e rekomanduar për kontrollin kimik

Pozicionimi i kurtheve
Kurthet duhen të vendosen në qendër, në brendësi të serrës në lartësi jo më shumë se një metër.

Përdorimi i kurtheve-rregjistrimi i të dhënave

Është e nevojshme që kurthet duhen të kontrollohen një herë në javë.
Për të njohur evolucionin e popullatave të tenjës së domates në parcelat e monitoruara, është e nevojshme të vendosen kurthe të tipit Delta.
Feromonet duhet të ndërrohen zakonisht mbas 4-6 javësh.