Është e rëndësishme që çdo frut të piqet plotësisht në pemë para vjeljes. Duhen rreth tre muaj nga koha kur lulet hapen deri sa frutat të piqen. 

Sezoni i vjeljes së nespullës është gjatë fundit të dimrit dhe pranverës (nga shkurti deri në maj). Zhvillimi i ngjyrës së frutave rritet dhe fortësia zvogëlohet gjatë 4 deri në 5 javëve të fundit të zhvillimit. 

Frutat e nespullës duhet të mblidhen në zhvillim pothuajse të plotë, në marrjen e ngjyrës së plotë. Degustimi i disa frutave para vjeljes do të tregojë se cilat fruta me ngjyrë mund të mblidhen. 

Në varësi të varietetit ngjyra e lëvores, kur është gati për t'u mbledhur, mund të jetë e verdhë në portokalli të zbehtë deri në portokalli të errët. Nespullat janë gati kur kërcelli merr një ngjyrë të verdhë-portokalli dhe shkëputet lehtësisht. 

Vjelja bëhet me dorë. Pritini tufat e frutave nga degët terminale (fundore) dhe më pas pritini (shkëputni) frutat individuale nga tufa.

Pemët në prodhim të plotë, të nespullës mund të japin nga 16 deri në 130 kg/pemë në vit, varësisht nga madhësia e pemës dhe kujdesi.

Frutat e pjekura të nespullës mund të ruhen në qese plastike në frigorifer për disa javë.