Procesi i vjeljes në qershi është një proces që duhet të kryhet shpejt dhe duhet të keni kujdes që të mos dëmtoni pemën (mos të thyeni degët).

Kur duhet të filloni vjeljen?

• Në kohën e vjeljes kokrrat duhet të jenë të forta dhe të kenë marrë ngjyrën e plotë të kultivarit. Ngjyra është karakteristikë e varietetit (pra varietete/kultivarët ndryshojnë ndërmjet tyre për sa i përket ngjyrës së frutit).
• Në dallim nga pemët tjera bërthamore, qershitë nuk vazhdojnë pjekjen pas vjeljes. Kështu që përcaktimi i saktë i kohës së vjeljes është thelbësore për të vielur qershi të ëmbla dhe të shijshme. 

Si të mblidhni  qershinë?

• Nëse nuk planifikoni të konsumoni qershitë menjëherë pas vjeljes (konsum i freskët), mblidhni qershitë me bisht. Pjesa më e rëndësishme është të jeni të kujdesshëm që të mos thyeni (dëmtoni) pemën, mos të këputen sythat buketorë dhe degët e shkurtra, sepse ato pjesë të vogla të pemës janë ato  që do të japin prodhim, fruta, vitet në vazhdim. 
• Nëse qershitë vilen për gatim ose konservim, shpesh është  më e lehtë të hiqni kokrrat dhe  të lini bishtin ngjitur në pemë (pra qershitë vilen pa bishta).