Nëse në planet tuaja është fillimi i një biznesi për mbarështimin e dhive, filloni projektoni të ardhmen e tij. Biznesi i mbarështimit të dhive po bëhet gjithjë e më shumë një tendencë, nisur edhe nga kërkesat në rritje të konsumatorëve për produkte të qumështit dhe mishit. Ndaj, për ta bërë idenë tuaj realitet, ju duhet të konsideroni së pari avantazhet e këtij biznesi:

Gjatë menaxhimit të një fermë me dhi, mbani parasysh disa karakteristika që ato zotërojnë në drejtim të sjelljes, të të ushqyerit, sëmundjeve më kritike, etj. Këto elementë ju aftësojnë të drejtoni në mënyrë më efektive biznesin tuaj dhe të merrni maksimumin e mundshëm të të ardhurave me një nivel sa më të ulët shpenzimesh. 

Për të filluar një biznes të sukseshëm në mbarështimin e dhive mbani parasysh:

• Merrni njohuritë dhe informacionin e duhur nga fermerë të tjerë të sukseshëm në këtë biznes;
• Përcaktoni rracën që do të mbarështoni sipas qëllimit tuaj – do të jetë ajo me prodhimtari të lartë qumështi, me pjellori e pjellshmëri të lartë, apo një kombinim i të dy elementëve duke marrë parasysh nevojat e tregut?
• Ndërtoni stallën. Ju rekomandojmë që stalla të ketë një ekspozim të drejtuar nga jugu. Kujdes! Dhitë janë delikate ndaj klimës shumë të ftohtë dhe reshjeve intensive të shiut. Siguroni në stallë praninë e mjaftueshme të ajrit të freskët dhe dritës së diellit. Për pastrimin e stallës siguroni drenazhimin e duhur. Vendosni në stallë paisjet e nevojshme për ushqim, pirje uji, mjelje, etj.
• Siguroni sipërfaqen për kullotje, duke ulur kështu koston e prodhimit të ushqimit në fermë.
• Kujdes në blerjen e dhive! Përzgjidhni më cilësoret, më të shëndetshmet dhe kontrolloni me kujdes për praninë e sëmundjeve. Krahas dhive blini dhe cjeptë me karakteristika përfaqësuese të rracës së tyre duke përzgjedhur cjep të shëndetshëm, të maturuar, me testikuj të mirë zhvilluar, si dhe duke mbajtur parasysh një raport 1 cjap për rreth 20 dhi, në varësi nga kushtet e mbarështimit
• Siguroni ushqim të freskët me qëllim rritjen e prodhimit, mbajtjen e tufës të shëndetshme e larg sëmundjeve. Cjeptë trajtojini me ushqim shumë cilësor dhe të pasuruar me elementë vitaminikë e mineral. Kujdes! Uji të jetë i pranishëm gjatë të gjithë kohës, të jetë i pastër dhe i freskët.
• Së bashku me veterinerin e zonës përcaktoni një kalendar të trajtimit të sëmundjeve dhe mënyrave të parandalimit të tyre.
• Me shfaqjen e shenjave të afshit krijoni kushtet e duhura për ndërzim duke i mbajtur së bashku dhitë dhe cjeptë deri në momentin e çiftëzimit. Në përgjithësi periudha e barrsmërisë varion nga 145 në 155 ditë.
• Mbani pastërti dhe rrespektoni rregullat e higjenës në çdo mjedis dhe operacion, në stallë, gjatë mjeljes, ruajtjes së qumështit, etj.
• Vëzhgoni tregun në mënyrë të vazhdueshme. Shfrytëzoni të gjitha burimet e informacionit lidhur me tregjet, kërkesat dhe çmimet.
• Mbani shënime lidhur me çdo shpenzim dhe të ardhur që krijohet nga biznesi, vetëm kështu ju mund të përcaktoni se ku qëndroni me objektivat tuaja të biznesit si dhe çfarë mund të përmirësoni nga viti në vit.

Klikoni këtu në se dëshironi të dini më shumë për Identifikimin dhe Rregjistrimin tek të dhirtat.