Çfarë duhet të mbani parasysh gjatë fazës së laktacionit?
Menjëherë pas pjelljes lopët fillojnë periudhën e prodhimit të qumështit, e cila njihet ndryshe edhe si periudha e laktacionit dhe që në kushte normale zgjat 305 ditë. Vetë faza e laktacionit ndahet në: fazën e hershme të laktacionit, fazën e mesme të laktacionit, fazën e vonë të laktacionit dhe ndiqet nga faza e tharjes. 

Mbani parasysh:

• Laktacioni fillon me pjelljen e viçit dhe aktivizimin e gjendrrës së qumështit dhe përfundon me tharjen e lopës;
• 100 ditët e para të laktacionit shoqërohen me rritje të shpejtë të prodhimit të qumështit, dhe rënien në peshë të lopës;
• Në fazën e mesme 100-200 ditë të laktacionit ruani nivelin e prodhimit dhe marrjen e lëndës së thatë; 
• Në fazën e tretë 200 – 305 ditë, lopët fillojnë rënien e prodhimit dhe marrjes së lëndës së thatë, si dhe shtimin në peshë. 
• Bëni kujdes me sëmundjet metabolike, një pjesë e madhe e të cilave e kanë origjinën në periudhës së tranzicionit.
• Mbani parasysh se një riprodhim i suksesshëm është baza e një laktacioni të suksesshëm; 
• Përdorni dema të përzgjedhur për ndërzimin artificial. 
• Synoni marrjen e një viçi në vit, ndaj 60-70 ditë pas pjelljes lopa duhet të jetë e ndërzyer dhe barrëse;
• Kujdes, lopa gjatë laktacionit jo vetëm prodhon, por ngarkohet edhe me rritjen e të voglit; 

Klikoni këtu nëse dëshironi të dini më shumë mbi të Ushqyerit e Lopëve të Qumështit