1. Kanceri bakterial në qershi shkaktuar nga  (Pseudomonas syringae pv. syringae)

Simptomat 

• Simptoma më e dallueshme e infeksionit në qershi është një kancer i errët i shoqëruar ndonjëherë me gomozë (eksudat në kafe të kuqërremtë)
• Organet e reja vyshken dhe thahen, duke prekur sythat vegjetativ dhe lulorë që mbesin në degë të thara.
• Infeksioni është më i zakonshëm në pemë të reja,  ndodh në pemë në çdo fazë të zhvillimit nëse kushtet janë të favorshme.
• Lezionet e kuqërremta dhe me erë të keqe në korteksin e rrënjës janë tregues i infeksionit nga Pseudomonas syringae pv. syringae .
• Simptomat zakonisht zhvillohen në bazën e pemëve, tek pemët e reja, ekspozohet më shumë ndaj dëmtimeve nga makineritë, brejtësit, ngrica dhe ujitja, duke ofruar mundësi të shumta për shfaqjen e infeksionit .
• Në trung në degë dhe në kancere formon rrëshirë ngjyrë vishnje në kafe.

Cikli i zhvillimit të sëmundjes

• Sëmundja e kancerit bakterial në qershi shkaktohet nga bakteri Pseudomonas syringae pv. syringae  i cili mund të formojë kristale akulli brenda qelizës bimore dhe të gjenerojë dëme, të quajtur “aktiviteti i bërthamës së akullit”.
• Kolonizimi i patogjenit mund të ndodhë në çdo ind bimor pa provokuar infeksion ose simptoma.
• Infeksioni kërkon plagë ose hapje natyrale të shoqëruar nga kushte të lagështa ose ujë prezent në sipërfaqen e gjethes.
• Në pemët e infektuara, mbijeton në kancer dhe sytha, të cilët janë burimet kryesore të inokulimit për infeksionet fillestare në sezonin e ardhshëm të rritjes.
• Popullatat rriten gjatë pranverës pas çeljes së sythave dhe simptomat e infeksionit zhvillohen gjatë pranverës dhe verës.
• Në fund të verës, popullata e Pseudomonas syringae pv. syringae  zvogëlohet; megjithatë, mund të ketë një rritje të dytë të infeksionit gjatë kushteve më të ftohta dhe më të lagështa të vjeshtës.
• Pseudomonas syringae pv. syringae mund të transmetohet me shartim dhe mund të zhvendoset sistematikisht në të gjithë bimën.
• Patogjeni gjithashtu mund të shpërndahet nga era, shiu ose uji i ujitjes dhe insektet.
• Pseudomonas syringae pv. syringae mund të shplahet dhe transportohet nga pikat e ujit.

Masat e kontrollit:

Nëse infeksioni është i pranishëm në pemë, kontrolli i infeksionit dhe përhapja mund të bëhet duke bërë: 

• Prerjen dhe heqen e indeve të infektuara: organeve bimore me gomozë ose kancer.
• Djegien e kancerave ose vendeve me djegës propani. Bëhet gjatë pranverës.
• Trajtime me produkte me bazë bakri realizohen para lulëzimit.
• Mos të aplikohen produkte me bazë bakri pas lulëzimit të plotë.
• Gjatë sezonit të përdoret, Bacillus subtilis strain IAB/BS03.