REGJISTROHUNI KËTU për të shfletuar rubrikat e tjera të platformës.

Vjelja e prodhimit të panxharit të kuq fillon 60-90 ditë mbas mbirjes së farës, kjo në varësi të hershmërisë së kultivarit dhe të kushteve klimatike. Frut-rrënjorët shkulen kur të kenë arritur një diametër të paktën prej 5cm.

Cilësi më të mirë afrojnë frut-rrënjorët me diametër 5-8cm.

• Ruajtja e prodhimit drejtpërdrejt në fushë, është një metodë e mirë dhe mund të vazhdojë për 30 ditë ose dhe më shumë, në varësi të kërkesave të tregut.
• Frut-rrënjorët me moshë më të vjetër, zakonisht kanë përmbajtje më të madhe të fibrave dhe përqindje më të vogël të sheqerit.
• Bimët e vjela bashkohen në tufa me nga 5-6 copë, por mbasi të jenë pastruar më parë nga dheu dhe gjethet e vjetra.
• Ruajta e prodhimit të freskët (pa i larguar gjethet) mund të bëhet për jo më shumë se 7-10 ditë, ndërsa frut-rrënjorët pa gjethe mund të ruhen për rreth 2-3 muaj në mjedise me klimë të kontrolluar, në temperaturën 1-3°C  dhe lagështi relative ajrore 95%.