Cili është dëmi dhe kontrolli i verticiliozës në kulturën e ullirit?

• Në rastet e infeksioneve më të rënda nga sëmundja, dëmi konsiston në tharjen e degëve të tëra. Në pemë të tilla, sëmundja shtrihet në sektorë gjithnjë e më të gjerë të kurorës;

 Pas 1-3 vjet të shfaqjes së simptomave të para në bimë të moshës 5-15 vjeçare, ato mund të vyshken tërësisht. Format më të lehta të prekjes nga kjo sëmundje vihen re në bimët e vjetra në të cilat sëmundja nuk të dërgon në tharjen e bimës por, jep reduktim të vegjetacionit dhe rënie të pjesësshme të gjetheve.

• Sëmundja nuk paraqet probleme serioze për kultivimin organik të ullirit. Aplikimi i teknikave parandaluese dhe me një mbarështrim të mirë të ullishtes bën të mundur shfrytëzimin e faktorëve natyral dhe agronomik për kufizimin e sëmundjes.

Vitet e fundit janë bërë tentativa për mundësitë e aplikimit të kontrollit biologjik në kontrollin e verticiliozës. Këpurdha askomicete Talaromyces flavus (Klocker) Stolket Samson konsiderohet si një antagonist efikas i V. dahlia në tokë, i aftë për të shkatërruar mikrosklerotet e patogjenit nëpërmjet një veprimi parazitues. 

Një antagonist potencial i V. dahlia  në tokat e solarizuara është Aspergillus terreus, i cili është në gjendje që në këto mjedise të mbijetojë dhe të zhvillohet mbi popullatat e V.dahlia.

Ndërhyrjet agronomike

• Kur sëmundja është aktive, duhen kufizuar ujitjet dhe plehërimet azotike.
• Ndërhyrjet me anë të krasitjes për të hequr degët me simptoma.
• Të evitohen bashkëshoqërimet me bimë të tjera që preken nga sëmundja (solanace, pambuk, etj.).
• Të përdoren teknika ujitje të cilat nuk lejojnë shpërndarjen e patogjenit në tokë.
• Të evitohen punimet e thella të cilat mund të provokojnë plagë tek sistemi rrënjor.
• Të mbahet pastër terreni nga barërat e këqija.
• Të përdoren nënshartësa dhe varietete rezistente ose tolerante.
• Në ullinjtë në prodhim, dhe vecanërisht në ato të reja, ku sëmundja është prezent, disa teknika të solarizimit japin rezultate të mira. Kështu solarizimi i shoqëruar me një luftim të mirë të barërave të këqija ka vlera praktike.