Shartimi i specit është një teknikë e përdorur gjerësisht në Europë, Azi dhe Amerikë, e cila vitet e fundit ka gjetur përdorim edhe në Shqipëri. Fermerët shqiptarë, të gjendur përballë vështirësive në rritje për luftimin e sëmundjeve, kryesisht atyrë që vijnë nga toka, kanë parë përfitimet e kësaj metode për të garantuar një prodhim cilësor dhe rendiment të lartë.

Arsyet kryesore që nxisin shartimin e specit janë:

• Bimë më rezistente ndaj infeksioneve të tokës dhe sëmundjeve të tjera.
  Duke pasur parasysh që tokat nga viti-në-vit, sa vijnë dhe infektohen më shumë, sidomos nga sëmundje si Fuzarioza (Fusarium oxysporum f.sp. capsica), Nematoda (Meloidogyne incognita), sëmundjet bakteriale (Ralstonia solanacearum), Phytophthora dhe sëmundje kërpudhure si Verticillium. Është vërtetuar që luftimi i tyre me preparate kimik është i pamundur, alternativa e vetme ngelet përdorimi i nënshartesës.
• Prodhimtari dhe cilësi më e lartë e frutit; 
  Nënshartesa arrin ta ushqejë në mënyrë efikase bimën duke sjellë një bimë të balancuar dhe të shëndetshme. Në këtë mënyrë arrihet një rendiment më  i lartë dhe cilësi më e mirë e frutit.
• Bimë më e fuqishme e cila mundëson zgjatjen e ciklit prodhues;
  Nënshartesa , me karakteristikat e lartpërmendura,i jep mundësinë fermerit të zgjasë ciklin prodhues të një bime deri në 1 (një) vit.
• Rezistencë ndaj streseve që shkakton temperatura dhe lagështia esktreme;
  Duke qënë se fermeret synojnë ta mbjellin fidanin në muajt dhjetor-janar, të cilët karakterizohen nga temperature shumë të ulta, nënshartesa siguron tolerancë më të lartë se fidani standart ndaj këtyre faktorëve. Nënshartesa po ashtu i sjell bimës një tolerancë më të lartë ndaj thatësirës dhe lagështirës së tepërt.
• Mundësi kultivimi me EC të lartë duke bërë të mundur përmisimin e shijes.
  Kërkesat e tregut sa vijnë dhe po rriten, ku përvec uniformitetit dhe ngjyrës së specit, një kriter shumë i rëndësishëm është edhe shija e tij. Nënshartesa i jep mundësinë fermerit që të kultivojë duke përdorur kripëzim më të lartë në ujë, gjë e cila rrit shijen e specit.

Klikoni këtu nëse dëshironi të dini më shumë mbi teknikat e shartimit të specit.