Muaji Korrik                                              

• Përgjatë dy javëve të para të këtij muaji kryhen vjeljet e dyta të mjaltit shumëlulesh apo të mjaltrave të pyllit.
• Bletërritësit profesionistë mund të bëjnë bllokimin e mëmës duke e izoluar atë me qëllim trajtimin me efikasitet të lartë për kontrollin e varroatozës në momentin kur në zgjua të kenë çelur të gjitha pjelljet e vulosura. Ky trajtim mund të bëhet me acid oksalik ose ndonjë preparat tjetër.
• Bletarët që nuk kanë mundësi të realizojnë bllokimin e pjelljes, kryejnë trajtime me preparate sipas këshillës së Mjekut Veterinar dhe i shënojnë këto trajtime në librin e fermës.
• Kontrollohen kolonitë e bletëve për sëmundjet e pjellës dhe nëse rezultojnë shenja klinike të tyre njoftohet Mjeku Veterinar i zonës dhe dërgohen në laborator kampionë me hoje që kanë pjellje për tu analizuar.
• Kur parqet e bletëve ndodhen në zona, kullotat e të cilave kanë mungesë poleni, në fundin e muajit Korrik bletari duhet ta kompesojë këtë mungesë duke i ushqyer bletët me polenin që mund të ketë ruajtur nga muajt Maj-Qershor, ose përmes zëvendësuesve të polenit.

Muaji Gusht                                                          

• Gushti për bletarët është muaji kur fillon investimi për sezonin e ardhshëm në bletari.
• Trajtohen kolonitë e bletëve për kontrollin e varroas.
• Në zonat me mungesë të nektarit dhe polenit ushqehen bletët për të shtuar pjelljen me qëllim ruajtjen e forcës së kolonive që do të përgatiten për dimërim.
• Shtegëtohen parqet që kanë qenë në kullotat malore dhe kthehen në zonat ku do të dimërojnë.
• Fillon heqja e depozitave të mjaltit, ose ndryshe e kateve dhe depozitimi i tyre duke marrë masat për ti mbrojtur hojet që të mos dëmtohen nga tenja e dyllit ( Galleria mellonella).
• Ngushtimi i hyrjeve dyert e zgjoit për të shmangur fenomenet e vjedhjeve si dhe ato të sulmeve nga specie të tjera si grethi i kuq etj.

Muaji Shtator

• Në këtë muaj kontrollohen kolonitë e bletëve për sëmundjen e nozematozës duke dërguar kamipone bletësh të rritura në laborator për të vlerësuar situatën ( kampionaturat dërgohen në laborator me Fletë-Shoqërimi nga Mjeku Veterinar i AKVMB së zonës ku ndodhet parku i bletëve).
• Varësisht nga rezultati i analizave laboratorike merren masat në kolonitë e bletëve.
• Kur bletari nuk ka arritur të përfundojë ende trajtimet për kontrollin e varroatozës, vijon të procedojë me këto trajtime në kolonitë e bletëve që posedon.
• Në zonat me klimë kontinentale plotësohen rezervat ushqimore të bletëve për dimërimin e tyre si dhe kontrollohet cilësia e pjelljes së mëmave, nëse këto të fundit konstatohen të kenë probleme, zëvendësohen me mëma të këtij viti të ruajtura në nukleuse.
• Mbajtjen të ngushtuar të hyrjeve të dyerve të zgjoit për të shmangur fenomenet e vjedhjeve si dhe ato të sulmeve nga specie të tjera si grethi i kuq etj.

Muaji Tetor                                                

• Në zonat me klimë kontinentale kryhen kontrollet e vjeshtës për të vlerësuar forcën e kolonisë, rezervat ushqimore, praninë e mëmës, ngushtimin e folesë sipas sasisë së rrugëve/mizë që disponon secila koloni.
• Mbajtjen të ngushtuar të hyrjeve të dyerve te zgjoit për të shmangur fenomenet e vjedhjeve si dhe ato të sulmeve nga specie të tjera si grethi i kuq etj.
• Në zonat me klimë mesdhetare kolonitë e bletëve mund të shtegëtohen në kullotat e vjeshtës siç janë ato të shqopës vjeshtake, maresë, etj.

Muaji Nëntor                                                                                                          

• Në zonat me klimë kontinentale zbatohet protokolli i përgatitjes së bletëve për dimërim.
• Fundi i këtij muaji në zonat me klimë kontinentale korespondon edhe me çeljen e pjelljeve të fundit të këtij sezoni dhe kjo është periudha kur kryhen trajtimet radikale me acid oksalik për kontrollin e varroatozës.
• Në zonat me klimë mesdhetare, për parqet e bletëve të vendosuar në kullotat e vjeshtës kontrollohen rezervat ushqimore, nëse ka prodhim më shumë sesa i nevoitet bletëve për dimërim, tepricat e mjaltit kalojnë në vjelje.

Muaji Dhjetor                                                                         

• Në zonat me klimë kontinentale bletët janë në fazën e dimërimit ndërsa bletarët përgatisin korniza dhe bazën materiale për sezonin e ardhshëm.
• Për bletërritësit që mbarështojnë kolonitë e tyre të bletëvë në Zonat e ulëta ( ose zonat me klimë mesdhetare), 10-të ditëshi i fundit i Dhjetorit ( nëse kolonitë e bletëve nuk kanë më pjellje) është periudha kur duhet të kryejnë trajtimin radikal me acid oksalik për kontrollin e varroas. Një trajtim i tillë mund të kryhet si në formën e solucionit përmes shiringës, po ashtu edhe me sublimim duke përdorur sublimatorët.  Nëse pjellja nuk ka çelur ende ky trajtim kryhet në dhjetë-ditëshin e parë  të Janarit.