Kur është koha e duhur për të velur frutat e kumbullës? 
Mënyra më e sigurt për të përcaktuar kohën e duhur të vjeljes së  frutave të kumbullës është: 1) ngjyra e kultivarit, 2) fortësia e frutit si dhe, 3) aroma e shija e saj.

Kumbullat duhet të jenë pak të buta kur preken dhe shija duhet të jetë e ëmbël dhe tuli i  lëngshëm. 

• Ngjyra e kumbullave të pjekur mund të jetë gjithashtu një tregues për vjeljen  e tyre. Ndërsa kumbullat i afrohen pjekurisë, fruti merr ngjyrën e tij karakteristike të kultivarit.
• Gjithashtu, në disa varietete, ndërsa frutat piqen, ato krijojnë një shtresë  pluhuri (vishen me një pluhur që quhet purinë) e cila është një shenjë që tregon se frutat janë të pjekura dhe gati për vjelje.
• Disa lloje kumbullash, siç janë varietetet japoneze, velen  disa ditë para se të piqen plotësisht dhe më pas lejohen të piqen në një zonë të freskët dhe të thatë. Frutat pa dyshim do të kenë lëkurë që duket e pjekur, por fruti do të jetë akoma disi i fortë.
• Kumbullat evropiane janë gati për vjelje kur frutat fillojnë të zbuten dhe ngjyra e lëkurës ndryshon në ngjyrimin karakteristik të varietetit. Varieteteve të hershme të kumbullës duhet të velen duar, duar për gjatë një periudhe një javore, pasi në këto varietete frutat  nuk piqen në të njëjtën kohë.

Varieteteve me pjekje të mëvonshme zakonisht piqen në të njëjtën kohë prandaj, mund të vilen të gjitha menjëherë. 

• Nëse jeni të interesuar të thani kumbullat, ato duhet të lihen të piqen plotësisht mbi pemë derisa ato të bien natyrshëm. Mblidheni ato dhe lëreni të thahen natyrshëm.
• Për ruajtje afatgjatë, fruti duhet të mbahet në temperatura midis -1°C dhe 0°C. Në këto kushte mund të ruhet për rreth 2 javë.

Klikoni këtu nëse dëshironi të dini më shumë për Format e kultivimit tek kumbulla