Zgjidhni një varietet të domates që arrin pjekurinë shpejt (d.m.th., varietetet e hershme ose varietetet me sezon të shkurtër). Kjo do të lejojë që kultivuesi të vjelë sa më shpejt që të jetë e mundur. Kultivimi i domateve në sera apo mjedise të mbrotjura është avantazh pasi lagështia mund të kontrollohet dhe bimët të mbulohen dhe të mbrohen nga reshjet. Të tregohet kujdes që kërcejtë dhe degët e domateve të mbahen larg tokës.

Duhet të ketë hapësirë ndërmjet bimëve të domates, për të lejuar ajrosjen e kurorës së domates, e cila lejon që sipërfaqet e lagura të bimëve të thahen më shpejt. Bimët duhen monitoruar rregullisht për simptomat e sëmundjes së vrugut dhe materiali bimor i sëmurë të hiqet dhe largohet nga sera. Barërat e këqija afër bimëve të domates duhet të hiqen. Duhen shmangur lëvizjet në vendin ku janë mbjellë domatet, kur gjethja e bimëve është e lagur.

Periudha e ujitjes së bimëve të jetë në fillim të ditës më tepër, sesa në fund të ditës. Kjo lejon që gjethja dhe toka të thahen para mbrëmjes, duke zvogëluar kohëzgjatjen e lagështirës së gjetheve dhe ul lagështinë relative. Mos spërkatni gjethet me ujë; mbajeni ujin larg gjetheve dhe kërcejve (ujitni bimët në nivelin e tokës dhe jo lart, përveçse në rastin e ushqimit gjethor). Mbroni fidanët nga stresi ushqimor dhe dëmtuesit e tjerë.

Duhet të shikoni nga afër për shenjat e para të prekjes nga Alternaria, të cilat janë shfaqja e njollave të errëta kafe në gjethet në pjesën fundore të bimës së domates. Hiqni gjethet e prekura, largojini ose digjini pasi të thahen. 

Parandalimi i hershëm i Alternaries: Kërpudhat që shkaktojnë Alternarien favorizohen nga temperaturat e ngrohta dhe lagështia e lartë. Lini hapësirë të mjaftueshme midis bimëve (për të shmangur lagështinë). Alternaria mund të mbetet në tokë edhe pasi të keni hequr bimët e prekura. Nëse kërpudha ka kushtet e përshtatshme, ajo mund të mbetet në gjëndje të fjetur dhe të ndikojë në bimën tuaj të rradhës. Nëse keni pasur probleme me Alternarien më parë, mënyra më e mirë për ta parandaluar përsëritjen e kësaj sëmundje është që të qarkulloni bimët. Duhet të mbahet në konsideratë që Alternaria mund të prekë gjithashtu patatet. Prandaj, mos kultivoni patate në të njëjtën parcelë ku u kultivuan domatet e prekura dhe anasjelltas.

Hiqni morrat manualisht nëpërmjet gjetjes dhe largimit të gjetheve të prekura nga morrat. Nëse dëshironi të ruani gjethen, largoni morrat me një kruajtëse dhëmbësh. Kontrolloni edhe pjesën e poshtme të gjetheve.

Duke përdorur një shishe spërkatëse uji, spërkatni morrat me ujë të ftohtë. Forca e ujit i largon ata nga bima e domates. Përsëriteni këtë proces çdo tre ose katër ditë derisa morrat të jenë zhdukur.

Mbani zonat përreth bimëve të domates pa barërat e këqija. Shumë barëra të këqija mbajnë morra, si dhe insekte dhe sëmundje të tjera që mund të dëmtojnë bimët e domates.

Krimbat e murrmë

Shkatërroni mbetjet e bimëve duke i prerë para mbjelljes me bimë të tjera, veçanërisht kur domatet ndjekin një të bimë të mirë strehuese (p.sh., jonxhë ose fasule dhe mbuloni bimët me bimë bishtajore) për krimbat e murrmë. Menaxhoni barërat e këqija përreth fushës përpara mbjelljes. 

Insekticidet e tokës mund të aplikohen si një trajtim para-mbjelljes, megjithëse kjo mund të kufizohet nga paparashikueshmëria e shpërndarjes së dendësisë së popullsisë së krimbave të murrmë. Këto insekticide mund të aplikohen gjithashtu si një trajtim në kohën e mbjelljes.

Këpusha e kuqe prek bimët e stresuara, kështu që sigurimi i kushteve optimale të rritjes së bimëve, dhe ujitja dhe plehërimi i duhur, veçanërisht kur moti është i nxehtë dhe i thatë, do të ndihmojnë në zvogëlimin e problemeve.

Në mjedise të mbrojtura, veçanërisht në sera, këpusha e kuqe mund të jetë një dëmtues i vështirë për tu kontrolluar. Inspektimi vizual (monitorimi) i shpeshtë i pjesëve të bimëve është mënyra më e mirë për të monitoruar këpushat. Ato mund të gjenden në të gjitha zonat e bimës, por ato më shpesh prekin gjethet. Ato mund të monitorohen gjithashtu duke shtypur gjethet ose pjesët e tjera të bimëve mbi një fletë letre të bardhë ose kartoni dhe më pas të shikoni për lëvizjen e tyre (në formë pikëzash të vogla) në letër. Sapo dëmtimi i tyre gjatë ushqimit ose krijimi i rrjetave bëhet i dukshëme, popullatat tashmë janë të stabilizuara mirë dhe më të vështira për t'u kontrolluar.