Për formën e kultivimit (formën e kurorës së pemës) mbështetu në veçoritë kultivarit, nënshartesa, pjelloria dhe relievi i tokës, shkalla e mekanizimit etj. Format më të përshtatshme të kultivimit (ndërtimit të kurorës) për pjeshkën janë:

• Kupore me kate të përmirësuara; 
• Palmetë 
• Kordon

Formimi i kurorës kupore 

• Fidani i mbjellë pritet në lartësinë  50 - 80 cm.
• Gjatë vegjetacionit përzgjidhen 3 – 4 lastarë më të fuqishëm (të cilët do të shërbejnë për të formuar degët skeletore kryesore).
• Mundësisht këto degë të jenë të baraslarguara nga njëra tjetra (të formojnë një kënd me njëra tjetrën 90-120o).
• Udhëheqësi qendror eliminohet plotësisht.
• Në vitin e dytë (gjatë krasitjes dimërore) këto degë priten në 15 – 20 cm gjatësi dhe në secilën lihen të zhvillohen nga 3 lastarë të cilat do të shërbejnë si degë dytësore. Në vitin e tretë  vazhdon e njëjta procedurë.

Disa parime bazë të kësaj krasitje formuese:

• Përzgjedhja  e 3-4 degëve skeletore të rendit të parë te lidhura fort me aksin qendrorë (trungun e ardhshëm të pemës).
• Hiqen lastarët që dalin  jashtë këndit 45 – 60o me aksin kryesor. Kur mungojnë lastarë të tjerë atëherë apliko metodën e hapjes apo mbylljes për të formuar këndin 45 – 60o.
• Gjatë procesit të formimit të kurorës, gjithmonë, duhet bërë kujdes që degët/degëzat që dalin në drejtim nga brenda duhet të eliminohen sepse ato  ndikojnë ne dendësimin/hijezimin e kurorës dhe bimët janë destinuar te ulin prodhimin dhe të thahen.

Si të formoni formën kordon ose palmetë?

• Prite (krasite) bimën e mbjellë në  lartësinë 60-70 cm nga toka.
• Gjatë vegjetacionit përzgjidh 3 - 4 lastarë dhe hiqi lastarët tjerë që shpërthejnë gjatë vegjetacionit.
• Në vitin e dytë (në krasitjen dimërore) seleksionohen e lihen 3 lastarët më të fuqishëm.
• Dy lastarët anësorë lidhen në tela: në rastin e formës kordon ato shtrihen horizontalisht dhe në rastin e formës palmetë ato pozicionohen (lidhen) në kënd 60o.
• Lastari i mesit lihet vertikalisht  dhe do të shërbejë për formimin e katit të dytë të palmetës/kordonit.
• Në vitin pasardhës veprohet përsëri si vitin paraardhës, kështu formohet kati i dytë e kështu me radhë për formimin e kateve të tjera derisa të arrihet lartësia 3,5 – 4 m.

Klikoni këtu nëse dëshironi të dini më shumë për Krasitjen tek pjeshka