Pse është me rëndësi të madhe momenti i vjeljes së kungullit?

• Kungujt e njomë të kultivarëve të gjellës vilen kur të kenë arritur peshën 180 - 200 gr.
• Ato e arrijnë këtë peshë 30-40 ditë pas mbjelljes së fidanit në vendin e përhershëm dhe bëhen gatirreth 3-4 ditë pas pllenimit.
• Me rëndësi është që frutat të merren uniforme dhe pa kaluar madhësia mesatare e tyre, ato duhet të vilen çdo ditë madje edhe dy herë në ditë.
• Fruti duhet të ketë arritur madhësinë 18 - 25 cm. Ato duhet të vilen me 4 -5 cm bisht, pasi bishti e mban frutin në gjëndje të freskët.
• Vjelja e frutave bëhet në orët e para të ditës ose vonë në darkë, kur në fruta nuk ka vesë. Për të shmangur njollat në fruta, vjelja bëhet me doreza.

Ruajtja e frutave të kungullit. Për të ruajtur frutat nga dëmtimi gjatë vjeljes e përpunimit, vjelja dhe renditja e tyre, në arka mund të bëhet drejtpërdrejt në fushë. Arkat vishen me letër të butë. Për të përmirësuar paraqitjen dhe për të parandaluar përplasjet, frutat në arkë vendosen në shtresa të njëjta, të ndara midis tyre me letër të butë ose sfungjer bimor.