Si është ecuria  e dëmtuesit?

• Pambukorja e ullirit është e përhapur kudo në vendin tonë.
• Është dëmtues monofag prezent vetëm në ulli.
• Insekti ka pjellori shumë të madhe.
• Çdo femër vendos 250-1000 vezë.
• Aktiviteti riprodhues ndërpritet në temperaturë 27°C dhe më të ulët se 12°C.
• Zhvillon 3-4 brezni në vit, kur kushtet klimatike jane optimale (lagështi relative mbi 50 % dhe temperaturë mesatare 20-25°C).
• Dimëron si insekt i rritur në pjesët e poshtme të degëzave ose të gjetheve.
• Në pranverë, me fillimin e vegjetacionit, femra vendos vezë në degëzat e majave duke preferuar gjethet e reja që ndodhen në pjesën e sipërme.
• Mbas 10 ditëve çelin larvat e reja, fillimisht kufizojnë aktivitetin e tyre ushqyes mbi të njëjtën degëzë ku janë vendosur dhe më vonë zhvendosen në degëza të tjera.
• Gjatë thithjes së limfës ato lëshojnë nga gjendrat shumë fije dylli, që formojnë tufëza të buta të bardha, të cilat shplahen lehtësisht nga shiu dhe shpërbëhen nga era.
• Breznia e pare zhvillohet në degëzat e reja, e dyta kryesisht në lulëri dhe në këtë rast vezët vendosen në sythet lulore akoma të pahapura. 
• Mbas kësaj breznie vërehet një ngadalësim i aktivitetit për shkak të temperaturave të larta gjatë verës, për t’u riaktivizuar përsëri kur temperatura zbret nën 27°C, që koinçidon me rifillimin e vegjetacionit në fund të verës.

Klikoni këtu nëse dëshironi të dini më shumë Cili është dëmi dhe sistemi i kontrollit të dëmtuesit?