Njollosja e Gladiolës nga Curvularia 

Shkaktari: Curvularia trifolii f. sp. Gladioli

Simptomat

• Preken gjethet, kërcelli dhe petalet. 
• Në fillim, shfaqen njolla ovale, të lehta në kafe të errët, shihen më shpesh në gjethe. Bëhen njolla ovale në rrethore, kafe me skaje të errëta dhe të rrethuara nga një aureolë e verdhë. 
• Lezionet bëhen nekrotike me gjethe të thata dhe të vyshkura. 
• Kërpudhat prodhojnë një masë të zezë, pluhur sporesh në qendër të njollës.

Menaxhimi

• Qarkullime kulturale të gjata mbi 3 vjet, 
• Ujitje dhe plehërim të balancuar, 
• Kultivarët rezistentë, 
• Mbledhja dhe eleminimi mbeturinave bimore të infektuara. 

Fuzariozat e gladiolës

Shkaktari:  Fusarium oxysporum f. sp. gladiola. 

Është një nga sëmundjet e  rrezikshme të gladiolës, ku prekjet mund të arrijnë deri në 50% të bimëve.

Simptomat

• Simptomat me zverdhje graduale të gjetheve duke filluar nga maja, që pasohet me vyshkje. 
• Bimët e prekura paraqesin një zvogëlim në rritje, dhe në fazat e para të zhvillimit, gjethet kthehen nga baza. 
• Patogjeni prek rrënjët duke dhënë edhe zona  tharje (nekrotike). 
• Sëmundja favorizohet nga temperaturat e larta të ajrit dhe tokës. 
• Infeksionet e bulbeve fillojnë që në fushë. 
• Bulbet e infektura shërbejnë si burim infeksioni për vitin e ardhshëm. 

Menaxhimi

• Kultivarët rezistent,
• Ujitje dhe plehërim i balancuar, 
• Shmangia e plehërimeve të tepërta azotike, 
• Trajtimi me nxehtësi i bulbeve (48ºC -52ºC gjatë 30-60 min). 
• Përdorimi i produkteve plehëruese që nxisin rezistencën e bimës ndaj sëmundjeve.

Kalbëzimi i qafës së kërcellit dhe i bulbeve të Gladiolës.

Shkaktari: Stromatinia gladioli

Simptomat

• Stromatinia gladioli shkakton kalbëzimin e thatë të bulbeve të gladiolës me lezione sipërfaqësore të vogla, të rrumbullakëta, kafe të kuqërremta me qendra kafe të errët në të zezë, që zakonisht shfaqen në pikën e ngjitjes së lëvores; 
• Kalbëzimi i rrënjëve shoqërohet me praninë e skleroteve me ngjyrë të zezë, me nxirjen dhe me gërryerjen e rrënjëve. 
• Kalbëzimi i qafës së rrënjës shoqërohet me nekrozë kafe e çelur që kthehet në kafe të errët dhe me praninë e skleroteve. 
• Patogjeni transmetohet lehtë me anën e bulbeve të infektuar por, që në dukje janë të pastër. 
• Qëndron gjatë në tokë.

Menaxhimi

• Qarkullime kulturale të gjata mbi 3 vjet, 
• Kultivarët rezistentë. 
• Mbledhja dhe eleminimi mbeturinave bimore të infektuara. 
• Ujitje dhe plehërim të balancuar. 
• Trajtime me fungicide, Boscalid+ pyraclostrobin, Dinocap shoqëruar me produkte plehëruese që rrisin rezistencën e bimës ndaj faktorëve biotik dhe abiotik.
• Boscalid+ pyrclostrobin, captan, etj.