Siç theksuam, vlerësimi i cilësisë së kulloshtrës është shumë i rëndësishëm, pasi testimi na ndihmon të gjykojmë nëse kulloshtra që i ofrojmë viçave është mjaftueshëm cilësore për të krijuar imunitet. 

Si mund ta përdorni një paisje Brix Refraktometër?  

1. Filloni me kalibrimin e refraktometrit përpara çdo përdorimi. Hidhni 2-3 pika ujë të destiluar mbi sipërfaqen e xhamtë. 
2. Ulni kapakun mbi xham në mënyrë që uji të përhapet mbi të gjithë sipërfaqen pa krijuar hapsira ajri ose pjesëza të thata. 
3. Me qëllim që mostra të marrë temperaturën e dhomës, prisni 15 sekonda, para se të bëni një lexim të kalibrit. 
4. Mbajeni refraktometrin lart drejt dritës natyrale, ndërkohë që shikoni poshtë nëpërmjet okularit të syrit. Shmangni burimet e dritës floreshente. 
5. Duke vështruar përmes okularit, do t’ju shfaqet një fushë rrethore me vijëzime gradësh në pjesën qendrore. Në zonën ku bashkohet pjesa e dritës me pjesën e errët, vijëzimi duhet të lexojë zero. Nëse kjo nuk ndodh, bëni adoptimet duke lëvizur vidën kalibruese. 
6. Pastroni sipërfaqen me një pece të pastërt dhe të thatë.
7. Pasi të jetë tharë sipërfaqja, vendosni disa pika kulloshtre mbi sipërfaqen e xhamit dhe përsëriteni procesin, por tashmë jo me ujë por me kulloshtër. 
8. Bëni leximin e treguesit të cilësisë së kulloshtrës.
9. Pasi të mbaroni me leximin, sigurohuni që e keni pastruar siç duhet sipërfaqen e xhamit.
10. Kulloshtra cilësore me nivel 22% mund të përdoret menjëherë ose të ruhet në ngrirje për përdorim të mëvonshëm. Kulloshtra me lexim nën 22% nuk duhet të konsumohet nga viçat.

Klikoni këtu në se dëshironi të dini më shumë lidhur me mënyrën se si të grumbulloni dhe të ruani kulloshtrën