Vjelja e prodhimit të bamjes kryhet atëherë kur:

• Kanë kaluar 40-60 ditë mbas mbirjes së farës kjo në varësi të hershmërisë së kultivarit dhe të kushteve klimatike, që përkon me gjysmën e dytë të qershorit në zonën e ngrohtë dhe fillimin e korrikut në zonën e ftohtë.
• Vjelja kryhet disa ditë pas përfundimit të lulëzimit, kur frutat e bamjes kanë arritur mesatarisht 5-8 cm.
• Vjelja bëhet sistematikisht çdo ditë ose një herë në dy ditë.
• Vonesa në vjelje ndikon në përkeqësimin e cilësisë së prodhimit. 

Pse ndodh kjo ? Sepse frutat me moshë më të vjetër, zakonisht kanë përmbajtje më të madhe të fibrave dhe përqindje më të vogël të sheqerit. Frutat e vjela shtrohen në arka 3-5 kg, por mbasi të jenë pastruar më parë nga gjethet, frutat e kalbura dhe lëndët e huaja. Ruajtja e prodhimit të freskët mund të bëhet për jo më shumë se 3-4 ditë, ndërsa në mjedise me klimë të kontrolluar, në temperaturën 3-5°C dhe lagështi relative të ajrit 95 % për 15-20 ditë dhe ngrirje për më shumë se 6-9 muaj.