Krasitja prodhuese është operacioni që kryhet në pemën e pjeshkës pas hyrjes së saj në prodhim. Nëpërmjet krasitjes prodhuese, krasitësi ndërhyn me qëllim që t'i siguroje bimës një korrelacion (ekuilibër) sa më të drejtë ndërmjet rritjes vegjetative dhe asaj prodhuese.

Krasitja prodhuese në bimët e pjeshkës, si në të gjithë pemët e tjera, ndahet në: 

• Krasitja dimërore
• Krasitja verore

Krasitja prodhuese dimërore

• Gjatë krasitjeve dimërore synohet qe kurora të mbahet në formë e duhur (palmetë, kupore dhe kordon).
• Në pemët e reja, gjatë krasitjes dimërore, prerjet duhet të jene sa më të lehta sepse kurora është e rrallë dhe vitet e para synohet në fuqizimin e bimës (fuqizimi i sistemit rrënjor dhe atij mbitokësor). 
• Në pemët e reja, gjatë krasitjes, ruaj dhe mos hiq degët e reja të përziera sepse ato janë degët prodhuese.
• Krasitja tek pjeshka asnjëherë nuk duhet të jetë e rëndë, mjafton bimës t’i krijohet një kurorë e tillë që të lejojë ajrosjen dhe ndriçimin e mirë të saj (apliko krasitje të lehta).

Këshilla për krasitjen tek pjeshka:

• Në pemët e vjetra rrallo degëzat e përziera (degë me sytha vegjetativ e lulor);
• Ne pemët e reja degëzat e përziera dhe të gjata shkurtoi me 12-15 sytha (qëllimi pasterizimi i sythave të poshtëm që shërbejnë për veshjen e bimës me degëza të reja);
• Rrallo pjesërisht ose aspak degëzat e shkurtra frutore dhe ato të holla;
• Hiq plotësisht degët e vjetra, të thyera dhe të sëmura;
• Thithakët zakonisht hiqen plotësisht, por nëse ndonjë degë skeletore është dëmtuar, atëherë ndonjëri  shkurtohet ne 6-7 sythe për të formuar degën e ardhshme;

Krasitjet e gjelbra (verore) tek pjeshka 

Është  proces i domosdoshëm dhe duhet të aplikohet në të gjithë kultivarët, por veçanërisht në ato me rritje shumë të fuqishme. Kjo favorizon rritjen e cilësisë së frutave dhe ul ngarkesën e punës së krasitësit në dimër. Ndërhyrja në këtë periudhë konsiston në rrallimin e degëve të tepërta. Periudha më e këshillueshme është faza e rritjes intensive të frutave (madhësia sa e kokrrave të lajthisë). Realizohet me  dorë ose  me gërshërët e krasitjes. Në muajin Korrik mund të  bëhet edhe një ndërhyrje e dytë.

Rrallimi i frutave
Rrallimi i frutave është operacioni më i rëndësishëm dhe ka  qëllim përmirësimin e cilësisë së frutave. Gjithashtu rrallimi i frutave ndikon ndjeshëm ne krijimin e një raporti te drejtë në mes rritjes vegjetative të pemës dhe të frutifikimit të saj. Këshillohet që heqja e frutave të bëhet rreth 25-35 ditë pas lulëzimit. Madhësia e frutave duhet të jetë sa frutat e lajthisë. Rrallimet  e mëvonshme nuk japin rezultatin e duhur. 

Klikoni këtu nëse dëshironi të dini më shumë për Shërbimet agroteknike tek pjeshka