REGJISTROHUNI KËTU për të shfletuar rubrikat e tjera të platformës.

Ndërtimi i stallave të të imtave po zë gjithnjë e më shumë një vend me rëndësi në investimet e blegtorëve të cilët po kuptojnë rëndësinë e strehimit të duhur duke respektuar parametrat që sigurojnë mirëqenien e kafshëve, shëndetin e tyre, prodhimin dhe riprodhimin e dëshiruar.

Kërkesat dhe standardet që duhen plotësuar për ndërtimin e strehimeve të përshtatshme për të imtat

Aspektet ligjore
Ndërtimi i vend-strehimeve të reja si dhe ndryshimet në ndërtesat ekzistuese, bëhen duke siguruar, së pari, çertifikatën e pronësisë si dhe lejen e ndërtimit. Mbani parasysh se rregullorja aktuale për ndërtimet në shërbim të blegtorisë, bazohet në Vendimin e Këshillit të Ministrave Nr 283, datë 01.04.2015 “Për përçaktimin e tipave, rregullave, kritereve dhe proçedurave për ndërtimin e objekteve për prodhimin, ruajtjen dhe përpunimin e produkteve bujqësore dhe blegtorale, në tokë bujqësore”.

Çfarë përcaktohet në këtë Vendim?
- Ndërtimet e reja të stallave duhet të garantojnë menaxhimin e jashtëqitjeve shtazore, me filtrim paraprak.
- Stallat që mbarështojnë mbi 500 krerë të imta, duhet të:

• vendosen në distanca minimale me 20 metër nga kufijtë e pronës; 500 metër nga qendrat e banuara; 100 metër nga banesa më e afërt, dhe të veçuara nga qendra urbane.
• zhvillohen në një kat të vetëm, me lartësi të ndryshme në bazë të karakteristikave të veçanta teknike dhe lartësi maksimale 4.50 m.
• kenë vëllim maksimal që të mos tejkalojë intensitetin e ndërtimit prej 0.5 m³/m².
• kenë struktura për grumbullimin e jashtëqitjeve me origjinë shtazore të vendosura në distancë jo më të vogël se 100 metër.

Stallat që mbarështojnë 100-500 krerë të imta, duhet të:

• vendosen në distancë minimale me 10 metër nga kufijtë e pronës; 500 metër nga qendrat e banuara; 100 metër nga banesa më e afërt dhe të veçuara nga qendra urbane.
• zhvillohen në një kat të vetëm, me lartësi të ndryshme në bazë të karakteristikave të veçanta teknike dhe lartësi maksimale 4.50 m.
• vëllimi maksimal i objektit të mos tejkalojë intensitetin e ndërtimit prej 0.5 m³/m².
• kenë struktura për grumbullimin e jashtëqitjeve me origjinë shtazore të vendosura në distancë jo më të vogël se 100 metër.

Stallat që mbarështojnë 50-100 krerë të imta, duhet të:

• ruajnë distancat minimale me 5 metër nga kufijtë e pronës; ndërsa nga banesa më e afërt 50 metër.
• zhvillohen në një kat të vetëm, me lartësi të ndryshme në bazë të karakteristikave të veçanta teknike dhe lartësi maksimale 4.50 m;
• kenë vëllim maksimal të objektit që të mos tejkalojë intensitetin e ndërtimit prej 0.5 m³/m².
• të kenë struktura për grumbullimin e jashtëqitjeve me origjinë shtazore të vendosura në distancë jo më të vogël se 50 metër.

Klikoni këtu nëse dëshironi të dini më shumë lidhur me Procedurat për Leje Ndërtimi