Treguesit për përdorimin e kurtheve me ujë për kapje masive të insekteve të rritur.

• Fillohet teknika e kapjeve masive kur vërehen kapjet e para të insekteve të rritur në kurthet e monitorimit me feromone.
• Vendosen jo më pak se 2-3 kurthe për 1000 m² në kulturat në serra dhe jo me pak se 4-5 kurthe për 1000 m² për kulturat në fushë të hapur (kjo në funksion të intesitetit të prekjes) për kontrollin direkt të dëmtuesit ose si një aktivitet plotësues në strategjitë e tjera të kontrollit.
• Kurthet duhen të shpërndahen në mënyrë uniforme në parcelat e mbjellura.
• Kurthet duhen të vendosen në një lartësi jo më të madhe se 1 m nga toka, duke evituar që ato të mbulohen nga vegjetacioni . Ato duhet të vendosen së paku 25 m larg njëra tjetrës.
• Feromonet në këto kurthe duhet të ndërrohen çdo 4-6 javë.

Kur duhet përdorur kontrolli kimik për Tuta absoluten?
Kjo metodë rezulton shumë komplekse, sepse në bazë të njohurive të deritanishme, tenja e domates paraqet një rezistencë të theksuar ndaj pjesës më të madhe të insekticideve të rregjistruar në kulturën e domates.

Produktet që përdoren për kontrollin e Tuta absoluta

A ngjason Tuta absoluta me dëmtues të tjerë?

Tuta absoluta ka disa ngjashmëri me specie të tjera dëmtuesish të cilët mund të krijojnë konfuzione gjatë monitorimit.

Galeritë e Liriomyzes (Mizës minuese) duken njëlloj si ato të bëra nga Tuta absoluta.

Minat e bëra nga nga tenja e domates bëhen më të gjera dhe kanë pamjen e njollave, ndërsa ato të krijuara nga Liriomyza kanë formën e një tuneli. 

Jashtëqitjet ushqimore të Tuta absoluta nxirren jashtë nga mina, ndërsa ato të Liriomyzës qëndrojnë brenda minave.

Larvat e tenjës së domates në brendësi të minës duken si larva reale me një kokë të dallueshme mirë dhe me këmbë, ndërsa larvat e Liriomizës duken si larvat e mizave pa kokë dhe këmbë.