CILAT JANË SËMUNDJET DHE DËMTUESIT E MAJDANOZIT NË FUSHË TË HAPUR?




Bimët e majdanozit preken pak nga sëmundje e dëmtues si Ndryshku, Septorioza, Myku, Afidet etj.

Pse përbëjnë problem sëmundjet dhe dëmtuesit?

  • Shkaktojnë ulje të ndjeshme të prodhimit.
  • Ulet vlera tregtare.
  • Ulen të ardhurat për njësi prodhimi.

Parandalimi i sëmundjeve dhe dëmtuesve të majdanozit
Për të shmangur shfaqjen e sëmundjeve dhe dëmtuesve, si dhe për të patur prodhim sa më pastër të gjetheve të majdanozit duke eleminuar ose minimizuar përdorimin e preparative kimike, rekomandohen masat e mëposhtme parandaluese:

  1. Zbatoni teknika të mira kultivimi, ushqim të ballancuar, heqjen e barërave të këqija.
  2. Kontrolloni sëmundjet e shfaqura në kohën e duhur dhe hiqni bimët e dëmtuara në mënyrë që të mos infektoni bimët e tjera.
  3. Zbatoni qarkullimin bujqësor. Mos mbillni majdanozin pas kulturave si kopër, karrota, selino. Kungulli, domatja, patatja, qepa dhe lakra janë parabimë shumë të mira për majdanozin. Pas vehtes majdanozi mbillet pas 4 vjetëve.
  4. Zgjidhni varietete rezistente ndaj sëmundjeve për mbjellje.
  5. Rrallimi i bimëve në mënyrë që bimët të mos hijezojnë njëra-tjetrën. Kjo masë do të zvogëlojë ndjeshëm rrezikun e mykut.
  6. Mbillni pranë ngastrës së majdanozit e bimëve si hudhra, qepë, nenexhik, borzilok, aroma e të cilave largon dëmtuesit e majdanozit.

Faktorët kryesorë që shkaktojnë zverdhjen e majdanozit janë:

  1. Mungesa e ujit. Mungesa e lagështisë në kohën e temperaturave të larta, çon në zverdhjen e bimëve të majdanozit.
  2. Mungesa e lëndëve ushqyese. Shkaku më i zakonshëm i zverdhjes së kësaj bime është mungesa e elementit azot. Bima duhet të ushqehet.
  3. Sëmundjet. Kjo kulturë mund të sulmohet nga sëmundjet kërpudhore dhe virale që prekin zarzavatet, dhe ndryshon ngjyra e tyre.
  4. Dëmtuesit. Bima fillon të thahet dhe të zverdhet për shkak të thithjes së lëngjeve nga bima nga disa insekte.

Më poshtë foto të disa sëmundjeve dhe dëmtuesëve të majdanozit:

Sëmundja e Mykut; Mund të bëhet rrallë trajtimi me preparate me bazë squfuri

Sëmundja e Ndryshkut; Trajtohet me preparat me bazë bakri

Alternarioza; Trajtohet me preparat me bazë bakri

Afidet; Trajtimi me imidacloprid, fluvalinate, deltometrina, piretrina natyrale ej.
Biologjikisht luftohen nga larvat e koçinelideve (Skymnus spp) dhe larvat e krizopes e sirfideve.

E rëndësishme! Mos abuzoni me kimikatet për të luftuar dëmtuesit dhe sëmundjet e majdanozit, pasi elementët e dëmshëm nuk kanë gjithmonë kohë për t'u prishur, gjë që ndikon negativisht në shëndetin e njeriut dhe cilësinë e gjelbërimit.

Klikoni këtu nëse dëshironi të dini më shumë mbi vjeljen dhe ruajtjen e majdanozit

Data e publikimit: 29/04/2023


Lini një koment


Shpërndaj në rrjetet sociale:

VARIETETET AUTOKTONE TË DOMATES

Jeni të interesuar të njheni me varietetet kryesore autoktone apo tradicionale të specieve të kulturave perimore që kultivohen në Shqipëri si dhe me një informacion të shkurtër për kultivimin e tyre?

Lexo më shumë

ÇFARË ËSHTË KOMPOSTIMI DHE VLERAT E TIJ

Keni hasur në vështirësi për depozitimin e bimëve pasi është vjelur produkti në sera? Ju shqetëson prania e jashtëqitjeve të kafshëve të fermës të papërpunuara?

Lexo më shumë

ÇFARË MUND TË KOMPOSTOHET DHE KËRKESAT PËR CILËSINË E MATERIALEVE TË KOMPOSTUESHME

Pothuajse çdo lëndë organike në parcelat e mbjella, në stalla, në kopshtet tuaja, në anë të rrugëve të fshatit, mund të jetë një burim i mirë lëndësh për kompostim.

Lexo më shumë

HAPAT QË NDIQEN PËR TË KRIJUAR GRUMBULLIN E KOMPOSTUESHËM

Për të krijuar grumbullin e kompostueshëm mbani parasysh hapat e mëposhtëm:

Lexo më shumë