Cilat janë sëmundjet kryesore që prekin krizantemën dhe menaxhimi i tyre?

• Septorioza e Krizantemës

Shkaktari: Septoria chrysanthemi

Simptomat 

• Shkakton lezione në gjethe që janë me ngjyrë të errëta në gri dhe kufizohen me një kufi të purpurt.
• Ekzaminimi me lente dore mund të zbulojë njolla të vogla e të zeza që janë trupa frutorë të kërpudhave (piknidet).
• Sëmundja favorizohet nga lagështia e lartë dhe në kushte lagështie të vazhdueshme.

Menaxhimi

• Qarkullim bimor 2-vjeçar, kontrolli i barërave të këqija dhe heqja dhe eleminimi i mbeturinave bimore me infeksion nga zona e mbjelljes.
• Shmangni ujitjen në formë shiu dhe ujitjet e pasdites.
• Efektiviteti dhe numri i spërkatjeve të kërkuara do të ndryshojnë në varësi të kushteve të motit.
• Fungicidet që përdoren: Azoxystrobin, Pyraclostrobin, Boscalid+kresoxim-methyl, etj.

• Ndryshku i bardhë i krizantemës

Shkaktari: Puccinia horiana.

Simptomat: 

• Pustule si fillim të vogla me ngjyrë të bardhë-të gjelbërt 1-5mm.
• Këto pustule vendosen në llapën e gjethes ose nervaturë.
• Në faqen e poshtme, por nganjëherë dhe në ato të sipërmet, formohen pustulat me diametër 0.5-3mm.
• Këto njolla fillimisht të bardha, nxihen lehtë deri sa marrin ngjyrën e lajthisë.
• Në pustule gjejmë vetëm teleutospore, nuk prodhon uredospore.
• Disa kultivarë të krizantemës janë rezistente ndaj Puccinia horiana., ndër to mund të përmendim: ”Alaske”,”Ami colin”, ”Dark chips”, ”Paris”etj.

Menaxhimi

• Përdorimi i bimëve mëmë të pastra,
• Përdorimi i termoterapisë (8 orë në 45ºC, 48 orë në 35ºC) për të eliminuar praninë e infeksioneve latente në bimët mëmë.
• Gjatë kultivimit, bëhen trajtimet me fungicide: Tubecunazole, propiconazole, etj,.
• Mbjellja e kultivarëve rezistentë.

• Hiri i krizantemës
• Shkaktari:

Erysiphe cichoracearum

Simptomat

• Simptomat tipike të sëmundjes janë shfaqja e njollave të bardha të cilat përbëhen nga miceli i kërpudhës.

Menaxhimi:

• Kontrollohet përmes përdorimit të fungicideve të tillë si: Kresoxim-methyl, Azoxystrobin, Pyraclostrobin, Trifloksistrobin, etj.