Thundrat e dhive rriten dhe krijojnë probleme edhe ndonëse dhitë kanë thundra të forta si rezultat i terreneve ku ato qëndojnë përgjatë pjesës më të madhe të kohës. Ndaj, ato duhen pastruar pasi zgjatja e tepërt i pengon në ecje, sikurse është pengesë edhe gjatë kohës së çiftëzimit. Veçanërisht ju duhet ti kushtoni vëmendje pastrimit të thundrave kur tufën e menaxhoni me sistem të mbyllur intensiv, pra në stallë. 

Problemet me thundrat shkaktohen kryesisht nga tej rritja natyrale si dhe nga infeksionet e shkaktuara në terrene me lagështi ku janë të pranishëm mikro-organizmat që shkaktojnë sëmundjet e thundrave. 

• Si masa parandaluese ju këshillojmë që thundrat e dhive ti pastroni minimalisht dy here në vit, ose sipas nevojës.
• Përdorni banjëzimin në rast se thundrat përbëjnë një problem për tufën
• Nëse situata përkeqësohet këshillohuni me veterinerin për trajtime më të specializuara.

Klikoni këtu në se dëshironi të dini më shumë për Mjeljen dhe Higjenën tek të dhirtat.