Panxhari i kuq ose panxhari perimor, përdoret për konsum frutrrënjori në gjendje të zier. Në vëndin tonë mund të kultivohet në të gjitha zonat; në atë të ulët dhe bregdetare kultivohet dhe konsumohet gjatë gjithë vitit, kurse në zonat e ftohta kulivohet kryesisht gjatë vjeshtës dhe konsumohet gjatë dimrit dhe pranverës.

Përse panxhari perimor po gjen përhapje  në vendin tonë? Kjo sepse:

• Frutrrënjorët e kësaj bime kanë vlera ushqyese energjitike të lartë (34 kkal/100gr prodhim të freskët). Panxhari i kuq po gjen përdorim gjithmonë e më shumë në kuzhinat tona për vlerat ushqimore që ka dhe përdorimin e tij gjatë gjithë vitit.
• Ka përmbajte të vogël vitaminash, por vlerësohet shumë për përmbajtjen e fibrave dhe të kriprave minerale të potasit, kalciumit, hekurit etj.
• Një gotë lëng i panxharit të kuq ul shtypjen e gjakut në mënyrë drastike.
• Hulumtuesit kanë arritur në përfundimin se rastet e vdekjeve të shkaktuara nga sëmundjet kardiovaskulare do të ishin zvogëluar nëse njerëzit do të konsumonin më shpesh panxharin e kuq.
• Panxhari i kuq është një aleat i pazëvendësueshëm i mëlçisë sepse ndihmon në procesin e përpunimit të toksinave.
• Vendi ynë ka kushte shumë të përshtatshme klimatiko-tokësore për kultivimin e panxharit të kuq sidomos në vendet e ulëta dhe bregdetare.
• Panxhari perimor ka aftësi të mira prodhuese dhe efektivitet ekonomik, fermeri siguron të ardhura të kënaqshme për njësi të sipërfaqes.

Cilat janë kërkesat e panxharit të kuq për klimën, tokën dhe parabimën?
Panxhari i kuq është bimë e përshtatshme për zona me klimë të butë dhe me lagështi, por ka qëndrueshmëri të mirë edhe ndaj të ftohtit. Ndalon rritjen në 5°C . Thatësira dhe streset ujore, shkaktojnë frenimin  e rritjes së frutrrënjorit, si dhe fortësimin e tyre, duke dëmtuar prodhimin dhe cilësinë e tij.

REKOMANDIM! FERMERI QË VENDOS TË MBJELLË PANXHAR TË KUQ, DUHET TË KETË PARASYSH KËTA VEÇORI:

• Këshillohet përdorimi i plehrave organike në kulturën paraardhëse dhe jo drejtpërdrejt gjatë përgatitjes për mbjellje të panxharit.
• Dallohet për kërkesa të larta ushqyese për potas
• Ujitja është gjithmonë e domosdoshme për të siguruar lagështirën e nevojshme gjatë gjithë periudhës bimore, nga mbjellja deri në vjelje.

Në cilat toka shkon më mirë panxhari i kuq?
Kërkon toka të thella, të ajrosura me përmbajtje mesatare e deri të lartë lënde organike, me ph 5.8-7. 

Cilët nga parabimët i përshtaten më shumë panxharit të kuq? 
Ndaj qarkullimit të tokës, panxhari i kuq është i ndjeshëm. Parabimë të mira janë bimët prashitëse që e lënë tokën të pastër nga barërat e këqija, bimë të cilat e pëlqejnë plehërimin me pleh organik dhe lënë tokën të pasur pas mbarimit të ciklit biologjik. Panxhari i kuq është mirë që të rikthehet në të njëjtën ngastër, jo më parë se 3-4 vjet.

Klikoni këtu në se dëshironi të dini më shumë për si duhet të përgatitet toka për mbjelljen e panxharit të kuq