Distancat e mbjelljeve aplikohen në bazë të nënshartesave, varietetit dhe të formave të kultivimit. Gjithashtu, distancat janë edhe në varësi të kushteve të terrenit, pjerrësisë së tokës, ekspozicionit ndaj diellit, pjellorisë së tokës, etj. 

• Fidanët e prodhuara me shartime tek qershia e egër dhe mezhdralla, duhet të mbillen në distancat rreth 5 x 4 m.
• Ndërsa ato të shartuara me nënshartesa vegjetative duhet të reduktohen ne 4 x 2.5-3 m.
• Sot tentohet në rritjen e numrit të bimëve për njësi të sipërfaqes dhe mbajtja e formave të detyruara dhe të ulëta të kurorës. Ky lloj kultivimi siguron përmirësimin e cilësisë  dhe rritjen e rendimentit. Ulja e kurorës, gjithashtu, lehtëson punën gjatë vjeljes me dorë.
• Drejtimi i rreshtave: atje ku e lejojne kushtet (terreni) drejtimi duhet të jetë veri jug, sepse sigurohet më shumë dritë e ajrim për bimët.

Përzgjedhja e fidanit
Për mbjelljen fidanët duhet të jenë të moshës 1-2 vjeçare.

Cilat janë shenjat e një fidani të mirë?

• Lartësia e fidanit: Fidani njëvjeçar është deri në 80 cm, një dyvjeçar - deri në 100 cm. Është e padëshirueshme të zgjidhni fidanë të gjatë për mbjellje, pasi i duhet më shumë kohë për t'u rrënjosur.
• Sistemi rrënjor: Këtij tregusi duhet t’i kushtoni shumë vëmendje. Sistemi rrënjor duhet të jetë i shëndetshëm. Rrënjët  të mos jenë të thata dhe të dëmtuara. Sistemi rrënjor duhet të jetë i veshur mirë me rrënjë të holla.
• Prania e gjetheve nuk është thelbësore edhe në se ato janë ato hiqenGjethet nuk janë thelbësore - edhe nëse janë, ato priten.
• Pika e shartimit duhet të jetë e dukshme në fidan. Kjo është provë se fidani është njënkultivarë dhe nuk është një fidan i shtuar nga fara sepse shtimi me farë mund të humbasë plotësisht vetitë e kultvarit të bimës mëmë.
• Prania e 2 – 3 degëve anësorë dhe të ketë udhëheqësin qëndror, pa të cilin pema nuk do të jetë në gjendje të rritet dhe të degëzohet mirë.
• Fidani të jetë i certifikuar dhe etiketuar.

Kujdes! Mos blini fidanë më shumë se 2 vjeçar, spse rrezikohet zënja e tyre.

Klikoni këtu nëse dëshironi të dini më shumë për Format e kultivimit tek qershia