Verticilioza e ullirit është një sëmundje që po përhapet gjithnjë e më tepër në kulturën e ullirit dhe po kthehet në një problem serioz, kryesisht në ullishtet e kultivuara në fushë.

Cilat janë veçoritë morfologjike, përhapja, bimët bujtëse dhe cikli biologjik i verticiliozës në kulturën e ullirit?

• Prezenca e konidioforeve me degëzimet karakteristike në formë cfurke në majat e të cilave gjenden konidet.

Konidet janë një qelizore, shumë të vogla dhe me formë ovale. 

Karakteristikë e kësaj specie është prodhimi i mikroskleroteve me ngjyrë kafe të errët, që rezistojnë në tokë deri në 10 vjet. Përmasat e konideve në përgjithësi shkojnë 2.5-8x1.5-3µm.

• Prania e Verticilium dahlia është raportuar në të gjitha zonat kryesore të kultivimit të ullirit në pellgun e Mesdheut.

Kohët e fundit, ky patogjen është izoluar në Shqiperi në bimë pa simptomat karakteristike të sëmundjes.

• Verticillium dahliae është shkaktar i trakeomikozave në shumë bimë barishtore (solanace, pambuk) dhe kulturat dru frutore dhe pyjore.

Infekton një numër të madh të barërave të këqija që sillen si pritës pa simptoma.

• Dimëron në tokë në formë saprofite (në mbeturinat bimore) dhe në formë parazitare si micel në bimë bujtëse sekondare ose si mikrosklerot.

Përhapja bëhet me konide, nëpërmjet ujit, mjeteve të punës ose gjatë përdorimit të tokës dhe bimëve të infektuara. 

Patogjeni depërton nëpërmjet plagëve ose rrënjëve duke u vendosur në enët përçuese nga të cilat shpërndahet me shpejtësi në pjesët e tjera të bimës. 

Patogjeni prodhon toksina, të cilat përhapen me anë të limfës. 

Zhvillimi i kërpurdhës vazhdon edhe në temperatura të ngritura (25 -30°C).

Klikoni këtu nëse dëshironi të dini më shumë Cilat janë simptomat e sëmundjes së verticiliozës në kulturën e ullirit?