10 urdhëresat për të qenë një bletar i mirë:

1. Të njohësh biologjinë ë bletës ( një bletar duhet të jetë dhe pak biolog)
2. Të vizitosh koloninë e bletëve (një strategji e rëndësishme përkujdesja për familjen e bletës, por vizitat nuk duhet të jenë shumë të shpeshta pasi edhe mund ta dëmtojnë atë)
3. Konsultohu  (gjithmonë) me një ekspert (dyshimi është njerëzor, kështu që do të ishte mirë ta zgjidhim atë duke kërkuar këshilla dhe ndihmë nga ata që dinë më shumë)
4. Elemino. Problematikat ekstreme kërkojnë zgjidhje ekstreme (në disa raste duhen masa drastike si për shembull kur kolonitë e bletëve preken nga sëmundja e pestës amerikane)
5. “Drejtoje” me kujdes punën e bletëve (Në rastin e një familjeje të dobët bletësh, çdo detyrim për një prodhim më të lartë mund të jetë i dëmshëm, për bletët dhe bletërritësin)
6. Të njohësh bletarin/bletarët që ka parkun e bletëvë pranë teje ( raportet e mira ndërmjet bletarëve komshinj janë shumë të rëndësishme)
7. Të njohësh dhe të shmangësh fenomenin e vjedhjes në bletë (të kesh njohuri për fenomenin e vjedhjes në bletë është tjelbësore për ata që praktikojnë bletarinë)
8. Të pastrosh parkun e bletëve (shëndeti i një parku bletësh varet gjithashtu nga pastërtia)
9. Të ushqyerit, rëndësia e rezervave ushqimore (bletari gjithmonë duhet të kujdeset për ushqyerjen e familjeve të tij të bletëve)
10.  Seleksionimi (Bletarët ndjekin ligjin darvinian të përzgjedhjes duke dhënë kontributin e tyre personal)

Pajisjet e bletarit dhe sjellja me koloninë e bletëve gjatë vizitave në bletore
Çdo bletërritës në iventarin e tij duhet të ketë veshjen e tij të posaçme shoqëruar me maskën, me qëllim që ti ruhet thumbimeve të bletëve, dorashkat, tymësen dhe levën. 

Bletërritësi kur duhet të vizitojë kolonitë e tij të bletëve duhet:

• të shkojë me veshjen e posaçme ( me maskë),
• të ketë tymësen e dezur me qëllim që të qetësojë bletët përpara hapjes së zgjoit dhe gjatë vijimësisë së kontrollit të kolonisë së bletëve
• gjatë punës të pozicionohet anash dhe mbarpa zgjoit që të mos bllokojë hyrjen e tij e të shqetësoje bletët.

KUJDES!

• Çdokush që është alergjik ndaj helmit të bletëve duhet të qëndrojë larg bletoreve.
• Çdo bletërritës duhet  të punojë me kolonitë e tij duke përdorur  pajisjet e posaçme dhe duke respektuar rregullat e sigurimit teknik.