Vjelja e lulelakrës  kryhet atëherë kur:

• Pjesët tulore, që përbëjnë “kokën”, të jenë të puthitura mirë.
• “Koka” të jetë kompakte dhe me diametër 11-13 cm.
• Periudha e vjeljes mund të zgjasë, në varësi të kultivarit të përdorur, kushteve klimatike të mjedisit gjatë formimit të “kokave”dhe kërkesave të tregut.

Vjelja e prodhimit, në varësi të kultivarit të përdorur, fillon 50-170 ditë pas mbjelljes së fidanave në fushë dhe vazhdon për disa ditë dhe duar-duar.

Kujdes !

• Vjelja e “kokës” bëhet duke i prerë së bashku me disa gjethe.
• “Koka”, është e nevojshme të shmanget ekspozimi në diell si para dhe pas vjeljes. Gjethet nga pjesa e poshtme e bimës, ngrihen lart dhe lidhen mbi nivelin e “kokës”.
• Tregues të freskisë së lulelakrës, janë ngjyra e bardhë dhe mungesa e njollave të zeza në sipërfaqen e “kokës”.
• Pas vjeljes “kokat”, vendosen në arka dhe ruhen në ambjente me temperaturë 0-1°C dhe lagështirë relative të ajrit 95%, të paisura me sistem ventilimi të mirë, për të larguar gazin karbonik.