Propolisi është një nga pesë produktet e zgjoit, ndoshta më i njohuri ndër ta për vetitë e tij kuruese

Çfarë është propolisi?
Ashtu si mjalti dhe qumështi i bletës, propolisi prodhohet gjithashtu nga bletët. 

Propolisi përbëhet nga një substancë rrëshinore që vesh kosheret dhe i mbron ato nga agjentë të jashtëm si myku, kërpudhat, bakteret, viruset dhe insektet. Nuk është rastësi që emri i tij do të thotë "përpara qytetit" (nga greqishtja "pro" dhe "polis") që përshkruan funksionin për të cilin është përdorur, domethënë të mbrojë zgjoin. Bletët e përdorin këtë substancë si për vetitë e saj biologjike (antibakteriale dhe antimykotike), ashtu edhe për të mbyllur vrimat dhe çarjet, për të riparuar hojet dhe për të forcuar skajet e tyre të hollë, si një izolues termik dhe për të mbrojtur kosheren nga korrentet e ajrit, për të kufizuar pikat e hyrjes në fole me qëllim shmangien e hyrjes së pushtuesve dhe të parandalojë zbërthimin e kufomave të pushtuesve të vrarë duke i mumifikuar ato.

Ku e mbledhin bletët propolisin?
Bletët e mbledhin propolisin nga bimët, në zona me klimë të butë kryesisht nga speciet që i përkasin gjinisë së plepave, por edhe nga:

• eukalipti
• shelgjet për thupra
• ahu
• vërria
• lisi
• shelgu
• gështenja e kalit
• selvia
• pisha dhe konifere të ndryshëm
• pemët frutore

Propolisi më pas tretet pjesërisht nga bletët falë enzimave të pranishme në sekrecionet e tyre (beta-glikozidazat). Pasi e kombinon me dyllin e bletës, ajo krijon një substancë aromatike me ngjyrë të ndryshme, nga jeshile në të kuqe, ose edhe në kafe apo nuanca të tjera.

Nga se përbëhet propolisi?

Propolisi përbëhet nga:

Aktualisht vlerësohet se substancat e pranishme në propolis janë më shumë se 300. Midis tyre, rrëshirat dhe përbërjet volatile, janë produkte të proceseve të ndryshme biologjike që ndodhin në pjesë të ndryshme të bimës.

Në vetvete ka një qëndrueshmëri të fortë dhe që thërrmohet, të ngjashme me atë të dyllit, por kur nxehet bëhet fleksibël dhe shumë ngjitës; për këtë arsye propolisi quhet ndryshe "zamkë bletësh".

Përftimi i propolisit dhe purifikimi i tij

Për ta pëftuar propolisin, është e nevojshme që të nxiten bletët të depozitojnë substancën në fletë ose rrjeta të posaçme, nga të cilat mund të hiqet më lehtë. 

Tretja në alkool lejon heqjen e dyllit dhe substancave të tjera të mbetjeve, si dhe të pëftohet një balsam propolisi (ose tretësirë ​​mëmë) i pasur me substanca organike me veti antibakteriale, antimykotike, antivirale, anti-inflamatore, antioksiduese etj.

Në fakt, substancat e pranishme në propolis janë aktive kundër ulçerave, veprojnë si imunostimulues dhe rregullojnë aktivitetin e sistemit imunitar, veprojnë si anestetikë lokalë dhe spazmolitikë, mbrojnë mëlçinë, ushtrojnë një veprim antitumor dhe luftojnë formimin e kariesit. Të gjitha këto, dhe efektet e tjera të propolisit varen nga përbërja e tij kimike dhe, si rrjedhojë, nga ajo e substancave bimore prej të cilave rrjedh; kjo do të thotë që aktivitetet e tij biologjike janë të lidhura ngushtë me origjinën e tij.

Kjo ndryshueshmëri ekstreme e përbërësve aktivë të pranishëm në propolis (të tilla si pinocembrina dhe galangina) është të paktën pjesërisht përgjegjëse për praninë e pakët të preparateve me bazë propolisi midis medikamenteve të propozuara nga mjekësia zyrtare perëndimore.

Klikoni këtu nëse dëshironi të dini më shumë mbi Vetitë e Propolisit të Bletëve